ଚୌଦ୍ୱାର : ବିଜେପି ତରଫରୁ ଚୌଦ୍ୱାରର ବିଭିନ୍ନ ସ୍ଥାନରେ ‘ମିଶନ ଲାଇଫ୍’ଅଭିଯାନ ମାଧ୍ୟମରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦଳର ରାଜ୍ୟ ଓବିସି ମୋର୍ଚ୍ଚା ସାଧାରଣ ସଂପାଦକ ଜ୍ଞାନେନ୍ଦ୍ର କୁମାର ସ୍ୱାଇଁଙ୍କ ନେତୃତ୍ୱରେ ସ୍ଥାନୀୟ ବାଣିପଦା ପଂଚାୟତର ବାଲୁଙ୍କେଶ୍ୱର ମନ୍ଦିର ପରିସର, ପୌର ପାଳିକାର ୧୪ନଂ ୱାର୍ଡ ଓ ପୋଟଳେଇ ମନ୍ଦିରଠାରେ ଚାରାରୋପଣ କରାଯାଇଥିଲା । ଶ୍ରୀ ସ୍ୱାଇଁଙ୍କ ସଭାପତିତ୍ୱରେ ପୋଟଳେଇ ପୀଠରେ ଆୟୋଜିତ ସଭାରେ ରାଜ୍ୟ ଉପ ସଭାପତି ଗୋଲକ ମହାପାତ୍ର, ଓବିସି ମୋର୍ଚ୍ଚା ରାଜ୍ୟ ସଭାପତି ସୁରଥ ବିଶ୍ୱାଳ, ରମେଶ ନାୟକ, ଜୟନ୍ତ କୁମାର ସ୍ୱାଇଁ, ନୃସିଂହ ସ୍ୱାଇଁ, ସୁକାନ୍ତ ବିଶ୍ୱାଳ, ଅକ୍ଷୟ କୁମାର ଭୁୟାଁ, ରଞ୍ଜିତା ନାୟକ, ପ୍ରଶାନ୍ତ ହୋତା, ଲିଲି ମହାପାତ୍ର, ଆର୍ଯ୍ୟାବାଳା ସ୍ୱାଇଁ, ନଗେନ୍ଦ୍ର ସାହୁ, ନିଗମ ସାହୁ ପ୍ରମୁଖ ବୃକ୍ଷ ରୋପଣକୁ ଏକ ଜନଆନ୍ଦୋଳନରେ ପରିଣତ କରିବାକୁ ଆହ୍ୱାନ ଦେଇଥିଲେ । ଏହି ଅବସରରେ ନବ ମନୋନିତ ରାଜ୍ୟ ଉପସଭାପତି ଗୋଲଖ ମହାପାତ୍ର ଓ ଓବିସି ମୋର୍ଚ୍ଚାର ରାଜ୍ୟ ସଭାପତି ସୁରଥ ବିଶ୍ୱାଳଙ୍କୁ ସମ୍ବର୍ଦ୍ଧନା ଦିଆଯାଇଥିଲା। ଚୌଦ୍ୱାର ବନପାଳ ପୁର୍ଣ୍ଣଚନ୍ଦ୍ର ମହାନ୍ତିଙ୍କ ସମେତ ବନ କର୍ମଚାରୀ କାର୍ଯ୍ୟକ୍ରମରେ ଉପସ୍ଥିତ ଥିଲେ।
Comments are closed.