କଲମପୁର : ପ୍ରଥମେ ପ୍ରେମ, ପୁଣି ବିବାହର ପ୍ରତିଶୃତି, ପରେ ଶାରିରୀକ ସମ୍ପର୍କ । ଯେତେବେଳେ ଗର୍ଭବତୀ ହେବା ପରେ ବିବାହ ପାଇଁ ନାବାଳିକା ସମ୍ପୃକ୍ତ ସଂପର୍କୀୟ ଭାଇକୁ କହିଲା, ଫେରାର ମାରିଛନ୍ତି ପ୍ରେମ କରୁଥିବା ପ୍ରତାରକ ଭାଇ। ଘଟଣାକୁ ନେଇ ଜାତି ସମାଜରେ ସମାଧାନ ହେଇ ପାରିଲା ନାହିଁ । ତେଣୁ ନ୍ୟାୟ ଭିକ୍ଷା ଆଶାରେ ପରିବାର ସହ କଲମପୁର ଥାନାର ଦ୍ବାରସ୍ଥ ହେଇଛନ୍ତି ପୀଡିତା । ଏଭଳି ଘଟଣା ଏବେ କଲମପୁର ଅଞ୍ଚଳରେ ଆଲୋଡନ ସୃଷ୍ଟି କରିଛି ।
ସୂଚନା ଅନୁସାରେ କଲମପୁର ଥାନା ଅଞ୍ଚଳରେ ଆଶ୍ଵିନ ମାଝି ନାମକ ଜନୈକ ଯୁବକ ନିଜ ଗାଁର ଜନୈକ ସମ୍ପର୍କୀୟ ନାବାଳିକା ଭଉଣୀକୁ ପ୍ରେମ ଜାଲରେ ଫସାଇ ଥିଲା। ବିବାହର ପ୍ରତିଶୃତି ଦେଇ ରଖିଥିଲା ଶାରୀରିକ ସମ୍ପର୍କ । ଯେତେବେଳେ ନାବାଳିକା ଜଣକ ଗର୍ଭବତୀ ବୋଲି ଜାଣିଲା ସେତେବେଳେ ଯୁବକକୁ ବିବାହ କରିବାକୁ ଅନୁରୋଧ କଲା କିନ୍ତୁ ଯୁବକ ଜଣକ ଧରାଛୁଆଁ ଦେବା ବଦଳରେ ଘଟଣା ସମ୍ବନ୍ଧରେ କାହାକୁ ଜଣାଇଲେ ଜୀବନରେ ମାରିଦେବାକୁ ଧମକ ଦେଇ ଫେରାର ମାରିଛି । ଏନେଇ ଅନ୍ୟ ଉପାୟ ନପାଇ ଶୁକ୍ରବାର କଲମପୁର ଥାନା ଅଧିକାରୀଙ୍କ ଦ୍ବାରସ୍ଥ ହେଇଛନ୍ତି ପୀଡ଼ିତାଙ୍କ ବାପ। ନ୍ୟାୟ ଭିକ୍ଷା କରିଛନ୍ତି । ଏହି ଘଟଣାକୁ ନେଇ କଲମପୁର ଥାନାରେ ମାମଲା ପଞ୍ଜିକରଣ କରାଯାଇଛି ।
