ମୁଖୀଗୁଡା: ପୁଣି ବାହାର ରାଜ୍ୟକୁ କାମ କରିବାକୁ ଯାଇ ଜଣେ ଦାଦନ ଶ୍ରମିକ ନିଖୋଜ ହୋଇଥିବା ଜଣାପଡିଛି। ଜୟପାଟଣା ଥାନା ଅନ୍ତର୍ଗତ ହୀରାପୁର ଗ୍ରାମର ଗୋପବନ୍ଧୁ ନାଏକ(୩୬) ହାଇଦ୍ରାବାଦରେ ନିଖୋଜ ଥିବା ତାଙ୍କ ପତ୍ନୀ ଗୁଣ୍ଡିଚା ନାଏକ ଜୟପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ମୁତାବକ, ଗତ ୨୫.୭.୨୨ ସୋମବାର ଦିନ ଗୋପବନ୍ଧୁ ଗାଁ ଲୋକଙ୍କ ସହ ହାଇଦ୍ରାବାଦ କାମ କରିବାକୁ ଯାଇଥିଲେ। ଶୁକ୍ରବାର ଦିନ ପହଞ୍ଚି ଗୁଣ୍ଡିଚାଙ୍କ ସହ ଫୋନ ଯୋଗେ କଥା ମଧ୍ୟ ହୋଇଥିଲେ। କିନ୍ତୁ ପରବର୍ତ୍ତୀ ସମୟରେ ଗୋପବନ୍ଧୁ କୁଆଡେ ନିଖୋଜ ହୋଇଯାଇଥିବା ଜଣାପଡିଥିଲା। ଏନେଇ ଗୋପବନ୍ଧୁଙ୍କ ଭାଇ ହାଇଦ୍ରାବାଦ ଯାଇ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ ମଧ୍ୟ ଗୋପବନ୍ଧୁଙ୍କର କୌଣସି ଖବର ମିଳିପାରି ନାହିଁ । ତାଙ୍କ ସ୍ୱାମୀଙ୍କୁ ଉଦ୍ଧାର କରିବା ପାଇଁ ଗୁଣ୍ଡିଚା ଜୟପାଟଣା ଥାନାର ଦ୍ଵାରସ୍ଥ ହୋଇଛନ୍ତି।
Comments are closed.