କାମାକ୍ଷାନଗର: ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ୍ ଅନ୍ତର୍ଗତ ମେରାମଣ୍ଡଳୀ ରେଲୱେ ଷ୍ଟେସନ୍ ଦକ୍ଷିଣ ପୂର୍ବ ରେଳ ବିଭାଗର ଏକ ପ୍ରମୁଖ ରେଳ ଷ୍ଟେସନ୍। ଯାହାକୁ ୧୯୨୩ ମସିହାରେ ପ୍ରତିଷ୍ଠା କରାଯାଇଥିଲା। ଏହି ବାଟ ଦେଇ ବହୁ ଏକ୍ସପ୍ରେସ, ପାସେଞ୍ଜର ଟ୍ରେନ୍ ଓ ମାଲଗାଡ଼ି ପ୍ରତ୍ୟେକ ଦିନ ଯିବା ଆସିବା କରୁଛି। ଢେଙ୍କାନାଳ ଅନୁଗୁଳ ଶିଳ୍ପ ଭିତ୍ତିଭୂମିର ଏହା ଏକ ପ୍ରାଣକେନ୍ଦ୍ର କହିଲେ ଅତ୍ୟୁକ୍ତି ହେବନାହିଁ। ଯାହାକୁ କେନ୍ଦ୍ର କରି ବିଭିନ୍ନ ସୁବିଧା ସୁଯୋଗ ଏବଂ ଗମନାଗମନ ଯୋଗୁଁ ପାଖରେ ଟାଟା ଷ୍ଟିଲ, ରୁଙ୍ଗଟା ମାଇନ୍ସ, ନବ ଲିମିଟେଡ କମ୍ପାନୀ, ରିମ୍ ଝିମ୍ କମ୍ପାନୀ ଆଦି ଅନେକ ଛୋଟ ବଡ ଶିଳ୍ପ ଗଢି ଉଠିଛି। କିନ୍ତୁ ଦୁଃଖର ବିଷୟ ଏବେ ବି ଅବହେଳିତ ଅବସ୍ଥାରେ ପଡ଼ି ରହିଛି ଏହି ଷ୍ଟେସନ୍। ଉତ୍ତମ ଆଲୋକ ବ୍ୟବସ୍ଥା, ପ୍ଲାଟଫର୍ମର ଉନ୍ନତିକରଣ ଓ ୫୫ ନମ୍ବର ଜାତୀୟ ରାଜପଥକୁ ସଂଯୋଗ କରୁଥିବା ଏକ ଫ୍ଲାଇଓଭର ବ୍ରିଜର ଆବଶ୍ୟକତା ରହିଛି। ଯାତ୍ରୀମାନେ ଟ୍ରେନ୍ ଚଢ଼ିବା ଏବଂ ଓହ୍ଲାଇବା ବେଳେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ବିଭାଗୀୟ ଅଧିକାରୀ ଏଥିପ୍ରତି ଦୃଷ୍ଟି ଦେବାକୁ ସ୍ଥାନୀୟ ଜନସାଧାରଣ ଓ ବୁଦ୍ଧିଜୀବୀ ଦାବୀ କରୁଛନ୍ତି।
Popular Categories
Previous article
Next article