ଦ୍ୱାରଶୁଣି: ମୟୁରଭଞ୍ଜ ଜିଲା ବାଙ୍ଗିରିପୋଷି ବ୍ଲକ ଚାଉଳ ଘେରି ଗ୍ରାମର ଜଣେ ପ୍ରସୂତି ମହିଳାଙ୍କୁ ଖଟିଆରେ ବୋହି ସ୍ବାସ୍ଥ୍ୟକେନ୍ଦ୍ର ନେଉଥିବା ବେଳେ ବାଟରେ ସେ ଏକ କନ୍ୟାକୁ ଜନ୍ମ ଦେଇଥିବା ଜଣାପଡିଛି। ଖବରଅନୁସାରେ ଚାଉଳ ଘେରି ଗ୍ରାମର ରାସ୍ତା ଓ ନାଳ ଖରାପଯୋଗୁଁ ଆମ୍ବୁଲାନ୍ସ ଗ୍ରାମକୁ ଯାଇପାରି ନଥିଲା ତେଣୁ ଖଟିଆରେ ବୋହି ଗର୍ଭବତୀ ମହିଳା ବାବୁଲୁ ସିଂ ର ସ୍ତ୍ରୀ ସୁକୁମଣି ସିଂକୁ ସ୍ବାସ୍ଥ୍ୟକେନ୍ଦ୍ର ନେଉଥିବାବେଳେ ବାଟରେ ସେ ଏକ ଶିଶୁକନ୍ୟାକୁ ଜନ୍ମଦେଇଥିଲେ । ପରେ ନାଳ ପାଖରେ ଥିବା ଆମ୍ବୁଲାନ୍ସରେ ବାଙ୍ଗିରିପୋଷି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା। ଏବେ ସ୍ୱାସ୍ଥ୍ୟ କେନ୍ଦ୍ରରେ ମା ଓ ଶିଶୁ ସୁସ୍ଥ ଥିବା ଜଣାପଡିଛି।
