କଟକ : ବାରବାଟୀରେ ଭାରତ- ଇଂଲଣ୍ଡ ମଧ୍ୟରେ ସାଧାରଣ ଦର୍ଶକଙ୍କ ପାଇଁ ପୂର୍ବାହ୍ନ ୧୧ଟାରେ ଫାଟକ ଖୋଲିବ। ତେବେ ଦର୍ଶକମାନେ ଧାଡ଼ିରେ ଆସି ଷ୍ଟାଡ଼ିୟମକୁ ପ୍ରବେଶ କରିବେ। କୌଣସି ଅଘଟଣକୁ ଏଡ଼ାଇବାକୁ ପ୍ରଶାସନ, ପୁଲିସ, ଅଗ୍ନିଶମ ବିଭାଗ ସଜାଗ ରହିଛନ୍ତି। ଟିକଟ ସମୟରେ ଅବ୍ୟବସ୍ଥା ଦେଖାଦେଉଥିବାରୁ ଦର୍ଶକଙ୍କ ମୁଣ୍ଡ ଉପରେ ପାଲ ଭିଡ଼ା ବ୍ୟବସ୍ଥା କରାଯାଇଛି। ଏଥିସହ ମେଡ଼ିକାଲ ଟିମ୍କୁ ମଧ୍ୟ ପ୍ରସ୍ତୁତ ରଖାଯାଇଥିବା ଜଣାପଡ଼ିଛି। ଯେଉଁ ଦର୍ଶକ ଖେଳ ଅଧାରୁ ବାହାରକୁ ଆସିବେ ସେମାନେ ଦ୍ବିତୀୟ ଥର ପାଇଁ ଆଉ ପ୍ରବେଶ କରିପାରିବେ ନାହିଁ ବୋଲି ଆୟୋଜକ ସୂତ୍ରରୁ ଜଣାପଡ଼ିଛି।ସେପଟେ ଷ୍ଟାଡିୟମ୍ର ସବୁ ଗ୍ୟାଲେରି ଓ ପାଭଲିୟନ୍ ପିଇବା ପାଣି, ଶୁଖିଲା ଖାଦ୍ୟ ବିକ୍ରୟ ପାଇଁ ବ୍ୟବସ୍ଥା ହୋଇଛି। ଦର୍ଶକମାନେ ସାଙ୍ଗରେ କୌଣସି ଖାଦ୍ୟପଦାର୍ଥ କିମ୍ବା ଓ ପିଇବା ପାଣି ନେଇ ପାରିବେ ନାହିଁ। ସେହିପରି ବାଇନାକୁଲାର, ବାଡ଼ିରେ ବନ୍ଧା ହୋଇଥିବା ପତାକା, ରେଡିଓ, ଡିଜିଟାଲ୍ କ୍ୟାମେରା, ପାଣି ପାଉଚ୍, ମାଦକ ଦ୍ରବ୍ୟ, ଗୁଟ୍ଖା, ବିଡ଼ି, ସିଗାରେଟ୍, ପାନ ମସଲା ଓ ଭଙ୍ଗା ହୋଇଥିବା ପାନ ସାଙ୍ଗରେ ନେଇପାରିବେ ନାହିଁ। ତେଣୁ ଦର୍ଶକମାନେ ଏଗୁଡ଼ିକୁ ଘରୁ ନଆଣିବାକୁ ପୁଲିସ ପକ୍ଷରୁ ପରାମର୍ଶ ଦିଆଯାଇଛି। ତେବେ ଦର୍ଶକମାନେ ସାଙ୍ଗରେ କେବଳ ମୋବାଇଲ୍ ଫୋନ୍, ଟିକଟ କିମ୍ବା ପାସ୍, ନିଜର ପରିଚୟପତ୍ର ଆଣିବା ଲାଗି ସୂଚନା ଦିଆଯାଇଛି।
Popular Categories
Previous article
Next article