ନୂଆ ରିଲିଜ୍‍ ତାରିଖ ସହ ସାମ୍ନାକୁ ଆସିଲା ‘ମରଜାୱାଁ’ର ଆଉ ଏକ ପୋଷ୍ଟର

ମୁମ୍ବଇ : ରିତେଶ ଦେଶମୁଖ ଓ ସିଦ୍ଧାର୍ଥ ମାଲହୋତ୍ରାଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ମରଜାୱାଁ’ର ପରିବର୍ତ୍ତିତ ରିଲିଜ୍‍ ତାରିଖ ସହ ନୂଆ ପୋଷ୍ଟର ଶୁକ୍ରବାର ସାମ୍ନାକୁ ଆସିଛି। ଏହି ଚଳଚ୍ଚିତ୍ର ଚଳିତ ବର୍ଷ ୮ ନଭେମ୍ବରରେ ପରଦାକୁ ଆସିବ। ପୂର୍ବରୁ ଏହା ୨୨ ନଭେମ୍ବରରେ ମୁକ୍ତିଲାଭ କରିବାର ଥିଲା। ପୋଷ୍ଟରରେ ସିଦ୍ଧାର୍ଥ ଓ ରିତେଶଙ୍କ ଆକ୍ସନ ଅବତାର ଦେଖିବାକୁ ମିଳିଛି। ମିଳାପ ଜାଭେରୀଙ୍କ ନର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ରିତେଶ ଓ ସିଦ୍ଧାର୍ଥଙ୍କ ବ୍ୟତୀତ ତାରା ସୁତାରିୟା ଓ ରକୁଲ ପ୍ରୀତ ସିଂହ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଚଳଚ୍ଚିତ୍ରରେ ରିତେଶଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିବ। ଏହାର ପ୍ରଯୋଜନା ଭାର ଭୂଷଣ କୁମାର ଓ ନିଖିଲ ଆଡ଼ଭାଣୀ ବହନ କରିଛନ୍ତି।