ପିପିଲି : ବିଧାୟକ ଆଶ୍ରିତ ପଟ୍ଟନାୟକଙ୍କ ଦ୍ୱାରା ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ଆଜି ସାମୁହିକ ସଫେଇ କରାଯାଇଛି । ବିଧାୟକଙ୍କ ନେତୃତ୍ୱରେ ସ୍ଥାନୀୟ ବିଜେପି କାର୍ଯ୍ୟକର୍ତ୍ତାମାନେ ସ୍ୱଚ୍ଛ ଭାରତ ଅଭିଯାନରେ ଉକ୍ତ ଡାକ୍ତରଖାନା ପରିସରରେ ଥିବା ବିଭିନ୍ନ ବିଭାଗର କୋଠାର ଚତୁଃପାର୍ଶ୍ବ, ରାସ୍ତାର ଉଭୟ ପାର୍ଶ୍ବ ଏବଂ ଉଦ୍ୟାନ ପରିସରରେ ଉଠିଥିବା ଅନାବନା ଗଛଲତା, ଘାସକୁ ସଫା କରିଥିଲେ । ଡାକ୍ତରଖାନା ପରିସରରେ ଥିବା ଆବର୍ଜ୍ଜନାକୁ ପରିଷ୍କାର କରାଯାଇଥିଲା । ସେଠାକୁ ଆସୁଥିବା ରୋଗୀଙ୍କ ସଂପର୍କୀୟ ଓ ସ୍ଥାନୀୟ ଅଞ୍ଚଳବାସୀଙ୍କୁ ବିଧାୟକ ଶ୍ରୀପଟ୍ଟନାୟକ ସ୍ୱଚ୍ଛତାର ବାର୍ତ୍ତା ବାଣ୍ଟିଥିଲେ । ନିୟମିତ ବ୍ୟବଧାନରେ ପିପିଲି ଓ ଡେଲାଙ୍ଗ ଅଞ୍ଚଳର ସମସ୍ତ ସରକାରୀ ଡାକ୍ତରଖାନା ପରିସରକୁ ସ୍ୱଚ୍ଛ କରାଯିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ଶ୍ରୀ ପଟ୍ଟନାୟକ ପ୍ରକାଶ କରିଥିଲେ । ବରିଷ୍ଠ ବିଜେପି ନେତା ନନ୍ଦକିଶୋର ପରିଡା, ସରପଞ୍ଚ ବିଭୂତି ଭୂଷଣ ନାଥ, ପରେଶ କୁମାର ମିଶ୍ର, ସମିତି ସଭ୍ୟ ଗଦାଧର ପରିଡା, ସସ୍ମିତା ଦଳେଇ, ଯୁବନେତା ସ୍ୱାଗତ କୁମାର ପରିଡା, ବିଜୟରତ୍ନ ଜେନା, ପ୍ରଦୀପ ବେହେରା, ଭାସ୍କର ମଲିକ ପ୍ରମୁଖ ଏଥିରେ ସହଯୋଗ କରିଥିଲେ ।
Comments are closed.