ଆଠଗଡ : ଆଠଗଡ ସହରର ବୀରକିଶୋରପୁରଠାରେ ଏକ ନୂତନ ମଙ୍ଗଳା ମନ୍ଦିର ଓ ବିଗ୍ରହ ପ୍ରତିଷ୍ଠା କାର୍ଯ୍ୟକ୍ରମ ବୁଧବାରଠାରୁ ଆରମ୍ଭ ହୋଇଛି । ବୀରକିଶୋରପୁର ସାହିର ୩୦୦ରୁ ଅଧିକ ମହିଳା ଓ ପୁରୁଷ ଶ୍ରଦ୍ଧାଳୁ ରଥଗଡା ନିକଟବର୍ତ୍ତୀ ସାପୁଆନଦୀରୁ ଜଳକଳସ ଧାରଣ କରି ଏକ ଭବ୍ୟ ଶୋଭାଯାତ୍ରାରେ ନୂତନ ମନ୍ଦିର ନିକଟରେ ପହଞ୍ଚିବା ପରେ ସେଠାରେ ଘଟସ୍ଥାପନ ଓ ଅନ୍ୟାନ୍ୟ ପୂଜାବିଧି ସଂପନ୍ନ ହୋଇଥିଲା। ଗୁରୁବାର ସୂର୍ଯ୍ୟପୂଜା, ବିଗ୍ରହ ମହାସ୍ନାନ, ମନ୍ଦିର ସ୍ନାନ, ହୋମଯଜ୍ଞ ଆରମ୍ଭ ହେବ। ଶୁକ୍ରବାର ସୂର୍ଯ୍ୟାର୍ଚ୍ଚନା, ଦେବତା ସ୍ନାନ, ନଗର ପରିକ୍ରମା, ନ୍ୟାସଚଣ୍ଡି ହୋମ ପରେ ପୂର୍ଣ୍ଣାହୁତି ସଂପନ୍ନ ହେବ।
ଏହି ଅବସରରେ ବୁଧବାର ନୟାଗଡର କରଡାପଲ୍ଲୀସ୍ଥିତ ବାଲୁଙ୍କେଶ୍ୱର ବାଳିକା ରାମଲୀଳା ସଂସଦ ପକ୍ଷରୁ ରାମଲୀଳା, ଗୁରୁବାର ଅର୍ପିତା ଚୌଧୁରୀ ଓ ସାଥୀଙ୍କର ଭଜନ ପରିବେଷଣ ଏବଂ ଶୁକ୍ରବାର ସୁଧାକର ମିଶ୍ର ଓ ସାଥୀ ଭଜନ ପରିବେଷଣ କରିବାର କାର୍ଯ୍ୟକ୍ରମ ରହିଥିବା ଆୟୋଜକଙ୍କ ସୁତ୍ରରୁ ପ୍ରକାଶ।
Comments are closed.