ସମାଜ ଡିଜିଟାଲ ଡେସ୍କ: ଦେଶର ବିଭିନ୍ନ ଅଞ୍ଚଳରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ପହଞ୍ଚିଲାଣି। ଏହା ଫଳରେ ବର୍ଷା ବି ଆରମ୍ଭ ହେଲାଣି, ଯାହାଦ୍ୱାରା ଜନସାଧାରଣଙ୍କୁ ଅସହ୍ୟ ଗରମ ଏବଂ ଖରାତାତିରୁ ସାମାନ୍ୟ ତ୍ରାହି ମିଳିଛି। ଆଉ କିଛି ଅଞ୍ଚଳରେ ପ୍ରାକ୍ ମୌସୁମୀ ବର୍ଷା ଲୋକଙ୍କୁ ଆନନ୍ଦ ଦେଇଛି। ତେବେ ମୌସୁମୀ ବର୍ଷା ଆସିଲେ ଲୋକେ ଏହାକୁ ବେଶ୍ ଉପଭୋଗ କରୁଥିବାର ଦେଖାଯାଇଥାଏ। ଏମିତି ଜଣେ ଯୁବକଙ୍କୁ ଦେଖିବାକୁ ମିଳିଛି ପୁଣେରେ। ଯିଏକି ଏକ ଭିନ୍ନ ଢଙ୍ଗରେ ପ୍ରାକ୍ ମୌସୁମୀ ବର୍ଷାର ମଜା ନେଇଛନ୍ତି, ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
Pune people got no chill? Naah, they got all the chul. #PuneRains pic.twitter.com/Im6e9ey4uR
— Urrmi (@Urrmi_) June 7, 2024
ପୁଣେରେ ପ୍ରାକ୍ ମୌସୁମୀ ବର୍ଷା ଯୋଗୁ ରାସ୍ତାଘାଟ ଜଳବନ୍ଦୀ ହୋଇଯାଇଥିଲା। ରାସ୍ତାରେ ଆଣ୍ଟୁଏ ପାଣି ପ୍ରବାହିତ ହୋଇଥିଲା। ତେବେ ଏହି ସମୟରେ ଜଣେ ଯୁବକ ରାସ୍ତାରେ ସର୍ଫିଂ କରୁଥିବା ଦେଖିବାକୁ ମିଳିଥିଲା। ଯୁବକ ଜଣକ ଜଳବନ୍ଦୀ ରାଜପଥରେ ଏକ ପ୍ଲାଷ୍ଟିକ ସୋଲ ଉପରେ ଶୋଇ ରାସ୍ତାରେ ଯାଉଥିଲେ। ଲୋକମାନେ ଏହା ଦେଖି ମଜା ନେଉଥିବାବେଳେ କେହି କେହି ଏହାର ଭିଡିଓ କରି ସାମାଜିକ ଗଣମାଧ୍ୟମରେ ଶେୟାର କରିଥିଲେ।
