କଳାପଥର(ବାଙ୍କୀ): ବାଙ୍କୀ ବ୍ଲକ କଳାପଥର ଅଂଚଳର ଲେମ୍ବେରୀ କୃଷ୍ଣପଲ୍ଲୀ ରାସ୍ତାରେ ବାଘୁଆ ମହୁମାଛି ଦଂଶନରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିଲା ବେଳେ ୩ ଜଣ ଆହତ ହୋଇଛନ୍ତି। ଶୁକ୍ରବାର ସକାଳୁ ସକାଳୁ ମୁଗ ଜମିକୁ ଯାଉଥିବା ବେଳେ ମହୁମାଛି ଆକ୍ରମଣର ଶିକାର ହୋଇଥିଲେ ଲେମ୍ବେରୀ ଗ୍ରାମର ୪ ଜଣ ବ୍ୟକ୍ତି। ୩ ଜଣ ଜୀବନ ବଞ୍ଚାଇ ଦୌଡ଼ି ପଳାଇ ଯାଇଥିଲାବେଳେ ବୃଦ୍ଧ ଗୁଣ୍ଡୁଚି ପ୍ରଧାନ(୭୨) ତଳେ ପଡିଯାଇଥିଲେ। ଶତାଧିକ ମହୁ ମାଛି ତାଙ୍କୁ ଦଂଶିବାରୁ କରିବାରୁ ସେ ସାହାଯ୍ୟ ପାଇଁ ଚିତ୍କାର କରିଥିଲେ। ଖବରପାଇ କିଛି ଯୁବକ ସେଠାରେ ପହଞ୍ଚି ତାଙ୍କୁ ଉଦ୍ଧାର କରି କଳାପଥର ଡାକ୍ତଖାନାକୁ ଚିକିତ୍ସା ପାଇଁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
Popular Categories
Previous article
Next article