ପାତ୍ରପୁର: ଜରଡ଼ା ଥାନା ତୁମ୍ବା ଫାଣ୍ଡି ଭାଲିଆସାହି ନିକଟରେ ଏକ ବାଇକ ଦୁର୍ଘଟଣାରେ ଜଣେ ଆଦିବାସୀ ଯୁବକଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ସାମନ୍ତରାପୁର ପଞ୍ଚାୟତ ତାଳପଦର ଗ୍ରାମର ଡମ୍ବୁରୁ ଶବର (୩୮) ବୋଲି ଜଣା ପଡିଛି। ଡମ୍ବରୁ ଭଉଣୀଙ୍କୁ ଛାଡ଼ି ଫେରୁଥିବା ବେଳେ ସିନ୍ଦୁରାବାଡ ନିକଟରେ ବାଇକ ଦୁର୍ଘଟଣା ଘଟିଥିଲା। ସେ ରାସ୍ତା ଉପରେ ପଡ଼ିଥିବା ଦେଖି କିଛି ବ୍ୟକ୍ତି ପୁଲିସକୁ ଖବର ଦେଇଥିଲେ। ତାଙ୍କର ମୁଣ୍ଡ ଫାଟିଯିବା ସହିତ ପ୍ରବଳ ରକ୍ତ ସ୍ରାବ ହେବା ଯୋଗୁଁ ଘଟଣା ସ୍ଥଳରେ ମୃତ୍ୟୁ ଘଟିଥିଲା।
ଖବର ପାଇ ତୁମ୍ବା ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ପଠାଇଛନ୍ତି। ତେବେ ତଦନ୍ତ ପରେ ଦୁର୍ଘଟଣାର ପ୍ରକୃତ କାରଣ ଜଣାପଡ଼ିବ ବୋଲି ତୁମ୍ବା ଫାଣ୍ଡି ଏଏସଆଇ କୃଷ୍ଣଚନ୍ଦ୍ର ଭୂୟାଁ ପ୍ରକାଶ କରିଛନ୍ତି।
