ନୂପୁରଙ୍କୁ ହତ୍ୟା କରିବା ପାଇଁ ପାକିସ୍ତାନରୁ ଯୋଜନା, ପାକ୍ ନାଗରିକଙ୍କୁ ସୀମାରୁ ଗିରଫ କଲା ବିଏସ୍ଏଫ୍ – ଧାରୁଆ ଅସ୍ତ୍ର ଜବତ
ଜୟପୁର- ନୂପୁର ଶର୍ମାଙ୍କୁ ହତ୍ୟା କରିବା ପାଇଁ ପାକିସ୍ତାନରୁ ଯୋଜନା । ରାଜସ୍ଥାନର ଶ୍ରୀଗଙ୍ଗାନଗର ସୀମାରୁ ଜଣେ ପାକ୍ ନାଗରିକଙ୍କୁ ବିଏସ୍ଏଫ୍ ଗିରଫ କରିଛି । ଗିରଫ ହୋଇଥିବା ବ୍ୟକ୍ତିଙ୍କ ଠାରୁ କିଛି ପୁସ୍ତକ ସହ ଧାରୁଆ ଅସ୍ତ୍ର ଜବତ କରାଯାଇଛି । ଗୁଇନ୍ଦା ବିଭାଗ ସହ ପ୍ରାୟ୫ ଟି ଏଜେନ୍ସି ଏହି ବ୍ୟକ୍ତିଙ୍କୁ ପଚରା ଉଚରା କରୁଛନ୍ତି । ଗିରଫ ବ୍ୟକ୍ତିଙ୍କ ନାମ ରିଜଓ୍ୱାନ । ନୂପୁର ଶର୍ମାଙ୍କୁ ସେ ହତ୍ୟା ଉଦ୍ଦେଶ୍ୟରେ ଆସିଥିବା କଥା ସ୍ୱୀକାର କରିଥିବା ସୂଚନା ମିଳିଛି ।
ଗିରଫ ହୋଇଥିବା ବ୍ୟକ୍ତିର ନାମ ରିଜଓ୍ୱାନ ଅସରଫ । ସେ ପାକିସ୍ତାନ ପଞ୍ଜାବର ବାସିନ୍ଦା । ବିବାଦୀୟ ମନ୍ତବ୍ୟ ପରେ ନୂପୁର ଶର୍ମାଙ୍କୁ ହତ୍ୟା ଧମକ ମିଳୁଛି ।
ସୁପ୍ରିମକୋର୍ଟ ଅଗଷ୍ଟ ୧୦ ତାରିଖ ପର୍ଯ୍ୟନ୍ତ ନୂପୁରଙ୍କୁ ଗିରଫ ନକରିବା ପାଇଁ ରାୟ ପ୍ରଦାନ କରିଛନ୍ତି । ତାଙ୍କ ଜୀବନ ପ୍ରତି ବିପଦ ଥିବା ନୂପୁରଙ୍କ ଆଇନଜୀବୀ ଅଦାଲତଙ୍କୁ ଦର୍ଶାଇଥିଲେ । ଏହା ସହ ତାଙ୍କୁ ମିଳୁଥିବା ଧମକର କେତକ ଭିଡିଓ ଦେଖାଇଥିଲେ । ସୁପ୍ରିମକୋର୍ଟଙ୍କ ଏକ ଖଣ୍ଡପୀଠ ଜୁଲାଇ ଏକ ତାରିଖରେ ନୁପୁରଙ୍କୁ ଭର୍ସନା କରିଥିଲେ । ଏବେ ତାଙ୍କ ଜୀବନ ପ୍ରତି ବିପଦ ଥିବାରୁ ନୁପୁରଙ୍କୁ ଅଗଷ୍ଟ ୧୦ ତାରିଖ ପର୍ଯ୍ୟନ୍ତ ଗିରଫ ନକରିବା ପାଇଁ ଅଦାଲତ ରାୟ ପ୍ରଦାନ କରିଛନ୍ତି ।
Comments are closed.