ମାଲକାନଗିରି: ଦିନେ ଯେଉଁ ଯନ୍ତ୍ରୀ ମାଓବାଦୀଙ୍କ ଅଭେଦ୍ୟ ଓ ଦୁର୍ଗମ ଅଞ୍ଚଳ ରୂପେ ଖ୍ୟାତି ପାଇଥିଲା ତାହା ଆଜି ପ୍ରଶାସନ ଅଧୀନରେ। ଆଜି ମାଲକାନଗିରି ପୁଲିସ ଓ ସୀମା ସୁରକ୍ଷା ବାହିନୀ ନବମ ବାଟାଲିୟନ ମିଳିତ ଉଦ୍ୟମରେ ଏକ ସୁରକ୍ଷା କ୍ୟାମ୍ପ ସ୍ଥାପନ କରାଯାଇଛି। ଯନ୍ତ୍ରୀ ଓ ତୋଟାଗୁଡା, ଦିଶାରୀ ଗୁଡା ଆଖପାଖ ପ୍ରଭୁତି ଅଞ୍ଚଳଗୁଡିକ ମାଓବାଦୀଙ୍କ ଅଧୀନରେ ଥିଲା। ଫଳରେ ଏହି ଅଂଚଳଗୁଡିକରେ ରାସ୍ତାଘାଟ, ମୌଳିକ ସୁବିଧା, ପ୍ରଶାସନିକ ଅଧିକାରୀମାନେ ଯାଉ ନଥିଲେ ମାଓବାଦୀଙ୍କ ଭୟରେ।
ଏହି ଯନ୍ତ୍ରୀ ଅଂଚଳରେ ମାଓବାଦୀଙ୍କ ଗତିବିଧି ଉପରେ ଅଙ୍କୁଶ ଲଗେଇବା ନିମନ୍ତେ ରାଜ୍ୟ ସରକାର ଏହି କ୍ୟାମ୍ପ ପ୍ରତିଷ୍ଠା କରିଛନ୍ତି। ଏହି କ୍ୟାମ୍ପ ପ୍ରତିଷ୍ଠା ସମୟରେ ବିଏସଏଫ ଡ଼ିଆଇଜି ସୌମ୍ୟ ରଞ୍ଜନ ସିହ୍ନା, ମାଲକାନଗିରି ଏସପି ନୀତିଶ ବଧଭାନୀ, ନବମ କମ୍ପାନୀର କମାଣ୍ଡିଙ୍ଗ ଅଧିକାରୀ ସୁଶୀଲ ମିଞ୍ଜ ପ୍ରମୁଖ ଉପସ୍ଥିତ ଥିଲେ।
ଏଥିରେ ସାରା ଯନ୍ତ୍ରୀ ପଂଚୟତ ଗ୍ରାମବାସୀମାନେ ପ୍ରତିଷ୍ଠା ସମୟରେ ଯୋଗ ଦେଇଥିଲେ। ନିଜ ଜୀବନ ବର୍ତ୍ତମାନ ସୁରକ୍ଷିତ ହେବାରୁ ନାଚଗୀତରେ ସୁରକ୍ଷା କର୍ମୀ ଅଧିକାରୀମାନଙ୍କୁ ସ୍ୱାଗତ କରିଥିଲେ। ଗ୍ରାମବାସୀଙ୍କ ଖୁସି ଦେଖି ସୁରକ୍ଷା ଅଧିକାରୀମାନେ ଗ୍ରାମବାସୀଙ୍କ ସହ ତାଳ ଦେଇ ନାଚିଥିଲେ।
