ମାଲକାନଗିରି : ମାଲକାନଗିରି ଜିଲା ପଡିଆ ବ୍ଲକ ଅନ୍ତର୍ଗତ ଏସଏସବି ଉଚ୍ଚ ବିଦ୍ୟାଳୟରେ ମାଟ୍ରିକ ଗଣିତ ଅବଜେକ୍ଟିଭ ଓଏମଆର ଉତ୍ତର ଖାତା ଗାଏବ ଘଟଣାରେ ସୋମବାର ବୋର୍ଡର ନିର୍ଦ୍ଦେଶ କ୍ରମେ ବ୍ଲକ ଶିକ୍ଷା ଅଧିକାରୀ(ବିଇଓ)ଙ୍କ ପକ୍ଷରୁ ପଡିଆ ଥାନାରେ ଏତଲା ଦାୟର କରାଯାଇଛି। ସଂପୃକ୍ତ ସ୍କୁଲର ୪ଜଣଙ୍କ ନାମରେ ବିଇଓଙ୍କ ପକ୍ଷରୁ ଏତଲା ଦିଆଯାଇଥିବା ଜଣାପଡିଛି। କେନ୍ଦ୍ର ଅଧୀକ୍ଷକ, ଉପଅଧୀକ୍ଷକ, ନିରୀକ୍ଷକ ଏବଂ ଜଣେ ପିଅନଙ୍କ ନାମରେ ଏତଲା ଦିଆଯାଇଥିବା ମାଧ୍ୟମିକ ଶିକ୍ଷା ପରିଷଦ ସଭାପତି ଜାହାନା ଆରା ବେଗମ ସୂଚନା ଦେଇଛନ୍ତି। ପୁଲିସ ତଦନ୍ତ ସରିଲେ ବୋର୍ଡ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି।
ସୂଚନା ଅନୁଯାୟୀ, ଶନିବାର ଗଣିତ ପରିକ୍ଷାରେ ଅବଜେକଟିଭ ପରୀକ୍ଷାର ଓଏମଆର ସିଟ ଉତ୍ତର ଖାତା ଗାଏବ ଥିବା କେନ୍ଦ୍ର ଅଧିକ୍ଷକ ଜାଣିବାକୁ ପାଇଥିଲେ। ପରେ କେନ୍ଦ୍ର ଅଧିକ୍ଷକ ଏ ନେଇ ସ୍ଥାନୀୟ ଥାନାରେ ମଧ୍ୟ ଏତଲା ଦାୟର କରିଥିଲେ।