ଡେସ୍କ: ମାଳଦ୍ୱୀପ ଭାରତର ରୁପେ ସେବା ଆରମ୍ଭ କରିବାକୁ ଯାଉଛି। ମାଳଦ୍ୱୀପର ରୁଫିୟାକୁ ମଜବୁତ କରିବା ପାଇଁ ଏହି ପଦକ୍ଷେପ ନିଆଯାଇଛି। ତେବେ ଏହାର ଆରମ୍ଭ ହେବା ନେଇ ସମୟ ସୀମା ଘୋଷଣା କରାଯାଇନାହିଁ। ମାଳଦ୍ୱୀପର ଅର୍ଥନୈତିକ ବିକାଶ ଏବଂ ବାଣିଜ୍ୟ ମନ୍ତ୍ରୀ ମହମ୍ମଦ ସୟିଦଙ୍କ ବୟାନ ଦେଇ ଉଭୟ ଭାରତ ଓ ଚୀନ କିପରି ସ୍ଥାନୀୟ ମୁଦ୍ରା ବ୍ୟବହାର କରି ଦ୍ୱିପାକ୍ଷିକ ବାଣିଜ୍ୟ କରିବାକୁ ରାଜି ହୋଇଛନ୍ତି ତାହା ଉପରେ ଆଲୋକପାତ କରିଛନ୍ତି। ଆମେରିକୀୟ ଡଲାର ଉପରେ ନିର୍ଭରଶୀଳତା ହ୍ରାସ କରିବା ଏବଂ ଆଞ୍ଚଳିକ ଆର୍ଥିକ ଏକୀକରଣକୁ ସୁଦୃଢ଼ କରିବା ଏହି ପଦକ୍ଷେପର ଲକ୍ଷ୍ୟ।
ନିକଟରେ ମାଳଦ୍ୱୀପ ନିଶ୍ଚିତ କରିଛି ଯେ ଭାରତ ଏବଂ ଚୀନ୍ ନିଜ ନିଜ ମୁଦ୍ରାରେ ଆମଦାନୀ ଦେୟକୁ ସୁଗମ କରିବା ପାଇଁ ସହଯୋଗ କରିବେ। ଏହି ନୀତି ପରିବର୍ତ୍ତନ ଦ୍ୱାରା ମାଲେର ବାର୍ଷିକ ଆମଦାନୀ ଦେୟ ୧.୫ ନିୟୁତ ଆମେରିକୀୟ ଡଲାର ପାଖାପାଖି ୫୦% ହ୍ରାସ ପାଇବ ବୋଲି ଆକଳନ କରାଯାଇଛି।
ଦୁଇ ସପ୍ତାହ ତଳେ ସେ ଭାରତୀୟ ହାଇକମିଶନର ମୁନୁ ମହାୱାରଙ୍କୁ ଭେଟିଥିଲେ ବୋଲି ମନ୍ତ୍ରୀ ସଇଦ ଉଲ୍ଲେଖ କରିଛନ୍ତି। ଦୁଇ ଦେଶ ମଧ୍ୟରେ ଅର୍ଥନୈତିକ ସହଯୋଗ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ ଭାରତୀୟ ଟଙ୍କାରେ ଆମଦାନୀ ଦେୟ ସମାଧାନ ପାଇଁ ନୂଆଦିଲ୍ଲୀର ସହଯୋଗ ପାଇଁ ଶ୍ରୀ ମହାୱାର ପ୍ରତିଶ୍ରୁତି ଦେଇଥିଲେ।
ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (ଏନପିସିଆଇ) ଦ୍ୱାରା ବିକଶିତ ରୁପେ ହେଉଛି ଭାରତର ପ୍ରମୁଖ କାର୍ଡ ପେମେଣ୍ଟ ନେଟୱାର୍କ। ଭାରତରେ ଏଟିଏମ୍, ପଏଣ୍ଟ ଅଫ୍ ସେଲ୍ (ପିଓଏସ୍) ଡିଭାଇସ୍ ଏବଂ ଇ-କମର୍ସ ପ୍ଲାଟଫର୍ମରେ ଏହାର ବ୍ୟାପକ ଗ୍ରହଣୀୟତା ରହିଛି। ବର୍ତ୍ତମାନ ‘ରୁପେ’ ଭୂଟାନ, ନେପାଳ, ମରିସସ, ୟୁଏଇ ଓ ସିଙ୍ଗାପୁର ସମେତ ବିଭିନ୍ନ ଦେଶରେ ଗ୍ରହଣୀୟ ହୋଇଛି।
Comments are closed.