ମାସ୍କ ବାଣ୍ଟୁଛନ୍ତି ସ୍ବେଚ୍ଛାସେବୀ ଅନୁଷ୍ଠାନ ; କିନ୍ତୁ ମିଳୁନି କପଡା

ସୁଆଣ୍ଡୋ :  ହଜାରେରୁ ଅଧିକ ଅସହାୟ ଗରିବ ଲୋକଙ୍କୁ ମାକ୍ସ ବାଣ୍ଟି ସାରିଲେଣି ସ୍ୱେଚ୍ଛାସେବୀ ଅନୁଷ୍ଠାନ । ବଜାର ବନ୍ଦ ଯୋଗୁ କପଡା ମିଳୁ ନଥିବାରୁ କାମ ବନ୍ଦ ହେବା ଅବସ୍ଥା ସୃଷ୍ଟି ହେଲେଣି ବୋଲି କୁହାଯାଉଛି । ସରକାରଙ୍କ ତରଫରୁ ଗତ ନଅ ତାରିଖରୁ ମାକ୍ସ ପିନ୍ଧିବା ବାଧ୍ୟତାମୂଳକ କରାଯାଇଛି । ଏହାକୁ ନଜର କରି ପୁରୀଜିଲା ସତ୍ୟବାଦୀ ର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ସ୍ୱାଦ ପକ୍ଷରୁ ଚାରିଦିନ ଧରି ମାକ୍ସ ତିଆରି ଚାଲିଛି । ସମାଜର ସବୁଠାରୁ ତଳେ ରହିଥିବା ମଣିଷଟି ପାଖରେ କିପରି ମାକ୍ସଟିଏ ପହଞ୍ଚିବ ସେଥିନେଇ ଏହି ପ୍ରୟାସ କରାଯାଉଛି । ନିଜ କାର୍ଯ୍ୟାଳୟରେ ରହିଥିବା କିଛି କପଡାରେ ପ୍ରଥମେ କାମ ଆରମ୍ଭ କରାଯାଇ ଥିଲା । ମାକ୍ସ ତିଆରିରେ ପାଞ୍ଚଜଣ ମହିଳା ନିୟୋଜିତ ରହିଛନ୍ତି । କରୋନା ସଂକ୍ରମଣ ନିରୋଧ ପାଇଁ ଏବେ ଲକ ଡାଉନ ଚାଲୁ ରହିଛି । ତେଣୁ ବଜାରର ସବୁ ଦୋକାନ ବନ୍ଦ ରହିଥିବା ଦୃଷିରୁ ଆମକୁ କପଡା କିଣିବାକୁ ମିଳୁନି । ଗରିବ ଲୋକମାନଙ୍କର ସେବା କରିବା ଅନୁଷ୍ଠାନର ଲକ୍ଷ୍ୟ । ଜିଲା ବା ବ୍ଲକ ପ୍ରଶାସନ ପକ୍ଷରୁ ଆମକୁ କନା ଯୋଗାଇ ଦିଆଗଲେ ନିଜ ପରିଶ୍ରମରେ ମାକ୍ସ ତିଆରି କରି ଗରିବ ଲୋକମାନଙ୍କୁ ବଣ୍ଟନ କରି ପାରିବୁ ବୋଲି ଅନୁଷ୍ଠାନର ସଭାନେତ୍ରୀ ବୀଣାପାଣି ମିଶ୍ର କହନ୍ତି ।