ସରକାରୀ ଚାକିରି ନିଯୁକ୍ତି କ୍ଷେତ୍ରରେ ଲିଖିତ ପରୀକ୍ଷା ଓ ସ୍ଥାନ ସଂରକ୍ଷଣ ବ୍ୟବସ୍ଥା ରହିବା ସାଧାରଣ କଥା। ମାତ୍ର ଏବେ ମହାରାଷ୍ଟ୍ରର ବିଶ୍ୱ ପ୍ରସିଦ୍ଧ ମହାଲକ୍ଷ୍ମୀ ମନ୍ଦିରରେ ପୂଜାରୀ ନିଯୁକ୍ତି ପାଇଁ ଏହି ବ୍ୟବସ୍ଥା ଲାଗୁ ହେବ। ଆବେଦନକାରୀ ଲିଖିତ ପରୀକ୍ଷା ଦେବେ। ଏତିକି ନୁହେଁ କୋହ୍ଲାପୁରର ଏହି ମହାଲକ୍ଷ୍ମୀ ମନ୍ଦିରରେ ପୂଜାରୀ ଚୟନ ଲାଗି ମହିଳାଙ୍କ ପାଇଁ ୫୦ ପ୍ରତିଶତ ସ୍ଥାନ ସଂରକ୍ଷଣ ରହିବ। ଏଥିପୂର୍ବରୁ ପୂଜାରୀ ଚୟନ ପ୍ରକ୍ରିୟା ଶିରିଡିରେ ଆରମ୍ଭ ହୋଇସାରିଛି। ଯାହା ଉପରେ ଏବେ ସରକାରୀ ମୋହର ଲାଗିବାର ବାକି ଅଛି।
ମହାରାଷ୍ଟ୍ରରେ ଏବେ ପୂଜାରୀ ଚୟନ ପାଇଁ ପରୀକ୍ଷା ହେବାକୁ ଏକ ବିଧେୟକ ବିଧାନସଭାରେ ପାରିତ ହୋଇଛି। ଏହି ନିଷ୍ପତ୍ତିକୁ ଚାରିଆଡୁ ସ୍ୱାଗତ କରାଯାଇଛି। ବିଗତ ଦିନରେ ମହାଲକ୍ଷ୍ମୀ ମନ୍ଦିରରେ ପୂଜାରୀ ହଟାଅ ଆନ୍ଦୋଳନ ତୀବ୍ରତର ହୋଇଥିଲା। ମନମୁଖୀ ଓ ଟଙ୍କା ଲୁଟୁଥିବା ପୂଜାରୀ ହଟାଇବା ପାଇଁ ଆନ୍ଦୋଳନ ନେଇ ବିଧାନସଭାରେ ବିତର୍କ ସୃଷ୍ଟି ହୋଇଥିଲା। ପରେ ରାଜ୍ୟ ସରକାର ଏହି ମାମଲାକୁ ବିଶେଷ ଗୁରୁତ୍ୱ ଦେଇଥିଲେ। ପୂଜାରୀ ନିଯୁକ୍ତି ଲାଗି ପରୀକ୍ଷା ବାଧ୍ୟତାମୂଳକ ହେବା ନେଇ ବିଧେୟକ ପାରିତ ହୋଇଛି। ଏବେ ଏଥିରେ ରାଜ୍ୟପାଳଙ୍କ ମୋହର ଲାଗିବା ପରେ ତାହା ଆଇନରେ ପରିଣତ ହେବ।
ମନ୍ଦିର ପୂଜାରୀ ନିଯୁକ୍ତି ପାଇଁ ଲିଖିତ ପରୀକ୍ଷା, ମହିଳାଙ୍କ ଲାଗି ୫୦% ସ୍ଥାନ ସଂରକ୍ଷଣ; କେଉଁଠି ଜାଣନ୍ତୁ
Popular Categories
Previous article
Next article