ପାଟଣା : ରାଜ୍ୟ ର ଅନ୍ୟତମ ପ୍ରସିଦ୍ଧ ଶକ୍ତି ପୀଠ ଘଟଗାଁର ମା ତାରିଣୀ ମନ୍ଦିର ଆଜି(ମଙ୍ଗଳବାର) ରୁ ଖୋଲିବ ବୋଲି ଟ୍ରଷ୍ଟ ବୋର୍ଡ ସଭାପତି ରାଜେନ୍ଦ୍ର ପଟ୍ଟନାୟକ ସୂଚନା ଦେଇଛନ୍ତି । ଜିଲ୍ଲାପାଳ ଆଶିଷ ଠାକରେଙ୍କ ନିର୍ଦ୍ଦେଶ ମତେ ସମସ୍ତ ଶ୍ରଦ୍ଧାଳୁ କରୋନା କଟକଣା ସ୍ୱରୂପ ମୁହଁରେ ତୁଣ୍ଡି ପିନ୍ଧିବା ବଧ୍ୟାତାମୂଳକ କରାଯାଇଛି । ମନ୍ଦିର ମଧ୍ୟକୁ ୧୦ ବର୍ଷରୁ କମ ଓ ୬୫ ବର୍ଷରୁ ଅଧିକ ବୟସର ବ୍ୟକ୍ତିଙ୍କୁ ମନା କରା ଯାଇଛି । ଶ୍ରଦ୍ଧାଳୁ ମାନେ ମନ୍ଦିର ମଧ୍ୟକୁ ଭୋଗ ନଡ଼ିଆ, ଧୂପ, ଦୀପ ଆଦି ନେଇପାରିବେ ନାହିଁ ।
- Advertisement -
ଏହା ଛଡା ଅନ୍ୟାଦେଶ ପର୍ଯ୍ୟନ୍ତ ମନ୍ଦିରରେ ବିବାହ ଓ ବ୍ରତ ଆଦି ମଧ୍ୟ ବନ୍ଦ ରହିବ। ତେବେ ଅଭିଭାବକ ମାନେ ସେମାନଙ୍କ ପିଲା ମାନଙ୍କର ଚୂଳ ପକାଇବା ପାଇଁ ପାଞ୍ଚ ନମ୍ୱର୍ ଗେଟ୍ ରେ ପ୍ରବେଶ କରି ପାରିବେ । ସକାଳ ସାଢେ଼ ୭ଟା ରୁ ମଧ୍ୟାହ୍ନ ୧୨ ଟା ଓ ଅପରାହ୍ନ ୪ଟା ରୁ ୭ଟା ଯାଏଁ ମନ୍ଦିର ଖୋଲା ରହିବ ବୋଲି ସୂଚନା ମିଳିଛି ।
