ମୁମ୍ବଇ : କାର୍ତ୍ତିକ ଆର୍ଯ୍ୟନ୍ ଓ କୃତି ସାନୋନ୍ ଙ୍କ ଅଭିନୀତ ଚଳଚ୍ଚିତ୍ର ‘ଲୁକାଛୁପି’ ର ପ୍ରଥମ ଗୀତ ମଙ୍ଗଳବାର ମୁକ୍ତିଲାଭ ହୋଇଛି। ଗୀତଟି ହେଉଛି, ‘ୟେ ଖବର ଛପୱା ଦୋ ଅଖବାର ମେଁ, ପୋଷ୍ଟର ଲଗୱା ଦୋ ବାଜାର ମେଁ’। ଏହା ଅକ୍ଷୟ କୁମାର ଓ ଉର୍ମିଳା ମାତୋଣ୍ଡକରଙ୍କ ଅଭିନୀତ ‘ଅଫଲାତୁନ୍’ ଚଳଚ୍ଚିତ୍ରର ଏକ ଗୀତର ରିମେକ୍। ଗୀତରେ କାର୍ତ୍ତିକ ଓ କୃତିଙ୍କ ଆକର୍ଷଣୀୟ ନୃତ୍ୟ ଦେଖିବାକୁ ମିଳିଛି। ଏହି ଗୀତରେ କଣ୍ଠଦାନ କରିଛନ୍ତି ମିକା ସିଂ ଓ ସୁନନ୍ଦା ଶର୍ମା। ହ୍ୱାଇଟ୍ ନଏଜ୍ ଷ୍ଟୁଡିଓ ସଙ୍ଗୀତ ନିର୍ମାଣ କରିଛନ୍ତି। ୯୦ ଦଶକର ହିଟ୍ ଗୀତରେ କାର୍ତ୍ତିକ-କୃତିଙ୍କ ଆଧୁନିକ ଠାଣି ଦେଖିବାକୁ ମିଳିଛି।
ଉଲ୍ଲେଖଯୋଗ୍ୟ, ‘ଲୁକାଛୁପି’ ଚଳଚ୍ଚିତ୍ରର ନିର୍ଦ୍ଦେଶନା ଭାର ଲକ୍ଷ୍ମଣ ଉତେକର ବହନ କରିଥିବା ବେଳେ ପ୍ରଯୋଜନା ଭାର ଦିନେସ ଭିଜାନ ବହନ କରିଛନ୍ତି। ମାର୍ଚ୍ଚ ୧ ତାରିଖରେ ଏହି ଚଳଚ୍ଚିତ୍ର ମୁକ୍ତିଲାଭ କରିବ।
