ଲକ୍ଷ୍ନୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରୁ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। କଷ୍ଟମ ବିଭାଗର ହାଜତରୁ ୩୦ ଜଣ ସୁନା ଚୋରା ଚାଲାଣକାରୀ ଫେରାର ହୋଇଯାଇଥିବାର ଖବର ସାମ୍ନାକୁ ଆସିଛି। ଯାହାକୁ ନେଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହି ଘଟଣାରେ ବିମାନବନ୍ଦରର ସହାୟକ ଆୟୁକ୍ତ ଏ.କେ ସିଂଙ୍କ ସମେତ ୮ଜଣ ଅଧିକାରୀଙ୍କୁ ହଟାଇ ଦିଆଯାଇ ମୁଖ୍ୟାଳୟ ସହିତ ସଂଲଗ୍ନ କରାଯାଇଛି। ଏପ୍ରିଲ ୧ରେ ଶାରଜାହାରୁ ଏକ ବିମାନ ଆସି ଲକ୍ଷ୍ନୌରେ ଅବତରଣ କରିଥିଲା। ଯେଉଁଥିରେ କିଛି ଚୋରାଚାଲାଣକାରୀ ଉପସ୍ଥିତ ଥିଲେ। କଷ୍ଟମ ବିଭାଗ ସେମାନଙ୍କ ନିକଟରୁ ୩ କୋଟି ଟଙ୍କାର ବେଆଇନ ସିଗାରେଟ୍ ଜବତ କରିଥିଲେ। ଆଉ ଯେତେବେଳେ ସୋମାନଙ୍କୁ ଏ ନେଇ ଅଧିକ ପଚରାଉଚରା କରାଯାଇଥିଲା , ସେତେବେଳେ ସେମାନେ ପେଟରେ ସୁନା ଆଣୁଥିବା ଜଣାପଡିଥିଲା। ହଠାତ୍ ଜଣେ ଲୁଟେରାଙ୍କ ଦେହ ଅସୁସ୍ଥ ହେବାକୁ ଲାଗିଥିଲା। ଯାହାର ସୁଯୋଗ ନେଇ ୩୦ ଜଣ ଲୁଟେରା ଖସି ଯିବାରେ ସଫଳ ହୋଇଥିଲେ। ଏହାକୁ ନେଇ କଷ୍ଟମ ବିଭାଗର ସହାୟକ ଆୟୁକ୍ତ ଏକ ମାମଲା ରୁଜ୍ଜୁ କରିଥିଲେ। ଏମାନଙ୍କ ନିକଟରୁ କଷ୍ଟମ ବିଭାଗ ୨୫ ଲକ୍ଷରୁ ଅଧିକ ଟଙ୍କା ଜବତ କରିଥିଲା। ଜବତ ହୋଇଥିବା ସୁନାର ମୂଲ୍ୟ ୩ କୋଟି ୧୨ ଲକ୍ଷ ୬୦ ହଜାର ଟଙ୍କା ହୋଇଥିବା ଅନୁମାନ କରାଯାଉଛି।
Comments are closed.