ନୂଆପଡ଼ା: ଧରମବନ୍ଧା ଥାନା ଅନ୍ତର୍ଗତ ପାଓ୍ଵାତଲା ଗ୍ରାମରେ ଥିବା ଏକ ମହୁଲଗଛରେ ପ୍ରେମୀ ଯୁଗଳଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ମୃତକ ପ୍ରେମିକ ଓ ପ୍ରେମିକା ହେଲେ ଶିବ ମାଝୀ(୨୧) ଓ ରଶିଦା ମାଝୀ(୧୮) । ରବିବାର ସକାଳେ ସ୍ଥାନୀୟଲୋକେ ଝୁଲନ୍ତା ଅବସ୍ଥାରେ ସେମାନଙ୍କ ମୃତଦେହ ଦେଖିଲା ପରେ ପୁଲିସକୁ ଖବର ଦେଇଥିଲେ । ପୁଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ, ଦୀର୍ଘ ଦିନ ଧରି ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ରହିଥିବା ବେଳେ ଉଭୟ ବିବାହ କରିବାକୁ ଚାହୁଁଥିଲେ । ହେଲେ ପ୍ରେମିକା ରଶିଦା ମାଝୀଙ୍କ ପରିବାର ପକ୍ଷରୁ ଏହାକୁ ସମ୍ମତି ମିଳି ନଥିଲା । ଶେଷରେ ଶନିବାର ରାତିରେ ଉଭୟ ଆତ୍ମହତ୍ୟା କରିଥିବା ପୁଲିସ ପ୍ରାଥମିକ ତଦନ୍ତରୁ ଜଣାପଡିଛି । କେହି ଦୁର୍ବୃତ୍ତ ସେମାନଙ୍କୁ ହତ୍ୟା କରି ଗଛରେ ଟାଙ୍ଗି ଦେଇଥିବା ନେଇ ମଧ୍ୟ ସନ୍ଦେହ ସୃଷ୍ଟି ହୋଇଛି ।
