ବହୁ ଲୋକ ହସିବା ସମୟରେ ସେମାନଙ୍କ ଗାଲରେ ଏକ ଗାତ ସୃଷ୍ଟି ହୋଇଥାଏ। ଏହାକୁ ଡ଼ିମ୍ପଲ କୁହାଯାଏ। ଏହି ଡ଼ିମ୍ପଲକୁ ଦେଖି ଯୁବକ ଓ ଯୁବତୀମାନଙ୍କ ବିଷୟରେ ବହୁ କିଛି ଜାଣିହୁଏ। ଏହା ସୁନ୍ଦରତାକୁ ଦୁଇ ଗୁଣିତ କରିଦେଇଥାଏ। ଏହାକୁ ମୁହଁର ଆକର୍ଷଣର କେନ୍ଦ୍ର ବୋଲି ମଧ୍ୟ କୁହାଯାଏ। କାହାର ଗୋଟିଏ ଗାଲରେ ଡ଼ିମ୍ପଲ ଆସେ ତ କାହାର ଦୁଇଟି ଗାଲରେ ଡ଼ିମ୍ପଲ ଆସେ। ଏହା ଗୋଟେ ଗାଲରେ ଆସୁ କିମ୍ବା ଦୁଇଟି ଗାଲରେ ଖୁବ ସୁନ୍ଦର ଦେଖାଯାଏ। ସାମୁଦ୍ରିକ ଶାସ୍ତ୍ରରେ ଏହାର ଅର୍ଥ ଓ ସଙ୍କେତ ବିଷୟରେ ବର୍ଣ୍ଣନା କରାଯାଇଛି। ଜାଣନ୍ତୁ କ’ଣ ଏହାର ଅର୍ଥ ଓ ସଙ୍କେତ….
ସାମୁଦ୍ରିକ ଶାସ୍ତ୍ର ଅନୁଯାୟୀ, ଯେଉଁ ମାନଙ୍କ ଗାଲରେ ଡ଼ିମ୍ପଲ ଥାଏ, ସେମାନେ ଅନ୍ୟ ମାନଙ୍କ ତୁଳନାରେ ଅଧିକ ଭାଗ୍ୟଶାଳୀ ଅଟନ୍ତି। ଅନ୍ୟ ଶାସ୍ତ୍ର ଯେପରି ବିଷ୍ଣୁ ଶାସ୍ତ୍ରରେ ମଧ୍ୟ ଏହାର ଅର୍ଥ ବିଷୟରେ ବର୍ଣ୍ଣନା କରାଯାଇଛି। ଏଭଳି କନ୍ୟାମାନଙ୍କର ବୈବାହିକ ଜୀବନ ସୁଖମୟ ହୋଇଥାଏ। ଜ୍ୟୋତିଷ ଶାସ୍ତ୍ର ଅନୁଯାୟୀ, ଗାଲରେ ଡ଼ିମ୍ପଲ ଥିଲେ ଜନ୍ମ ସମୟରେ ଶୁକ୍ରଗ୍ରହ ମଜବୁତ ରହିଥାଆନ୍ତି। ଏମାନଙ୍କ ଜୀବନ ସର୍ବଦା ସୁଖମୟ ମଧ୍ୟ ହୋଇଥାଏ।
