ତିଗିରିଆ : ତାଲୁକ ଆଇନସେବା କମିଟି ତିଗିରିଆ ଆନୁକୁଲ୍ୟରେ ମହିଳାମାନଙ୍କ ପ୍ରତି ହେଉଥିବା ଯୌନ ନିର୍ଯାତନା ଉପରେ ଏକ ଆଲୋଚନାଚକ୍ର ତିଗିରିଆ କୋର୍ଟ ପରିସରରେ ଗୁରୁବାର ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ତାଲୁକ ଆଇନସେବା କମିଟିର ଅଧ୍ୟକ୍ଷା ତଥା କୋର୍ଟର ବିଚାରପତି ପ୍ରେରଣାଶ୍ରୀ ଦେଓ ଅଧ୍ୟକ୍ଷତା କରି ମହିଳାମାନଙ୍କ ପ୍ରତି କାର୍ଯ୍ୟ କ୍ଷେତ୍ରରେ ହେଉଥିବା ବିଭିନ୍ନ ପ୍ରକାରର ଯୌନ ଆକ୍ରୋଶ ବିଷୟରେ ଆଲୋଚନା କରିବା ସହ ସେଥିପାଇଁ ସର୍ବୋଚ୍ଚ ନ୍ୟାୟାଳୟଙ୍କର ଏହି ସଂକ୍ରାନ୍ତୀୟ ବିଭିନ୍ନ ମୋକଦ୍ଦମାର ସ୍ଥିରୀକୃତ ହୋଇଥିବା ସିଦ୍ଧାନ୍ତ ଉପରେ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମରେ ଓକିଲ ସଂଘ ସଭାପତି ମଙ୍ଗଳକୃଷ୍ଣ ଦାସ, ସୁବାଷ ଚନ୍ଦ୍ର ସାହୁ, ଚନ୍ଦ୍ରମଣି ପଣ୍ଡା, ରମେଶ ଚନ୍ଦ୍ର ମାଝୀ, ସୁଚିତ୍ର କୁମାର ସାହୁ, ଶାନ୍ତନୁ କୁମାର ଦାଶ ପ୍ରମୁଖ ଯୋଗ ଦେଇଥିଲା ବେଳେ ଯୌନ ଆକ୍ରୋଶ କମିଟିର ଆଇନଜୀବୀ ସଭ୍ୟା ଅର୍ଚନା ସିଂ ସାମନ୍ତ, ଏନଜିଓ ସଭ୍ୟା ଦୀପାଞ୍ଜଳି ସାମନ୍ତ, କର୍ମଚାରୀ ସଭ୍ୟ ବିଜୟ କୁମାର ପାତ୍ର, ସଭ୍ୟା ଦେବସ୍ମୀତା ବାସ୍କେଙ୍କ ସହିତ କୋର୍ଟର ସମସ୍ତ କର୍ମଚାରୀ ଉପସ୍ଥିତ ଥିଲେ। ତାଲୁକ ଆଇନସେବା କମିଟିର ରିଟେନର ତଥା ଓକିଲ ସଂଘ ଉପସଭାପତି ଶ୍ରୀକାନ୍ତ କୁମାର ସାହୁ ଓ ସହାୟକ ସୂର୍ଯ୍ୟକାନ୍ତ ବେହେରା କାର୍ଯ୍ୟକ୍ରମ ସଂଯୋଜନା କରିଥିଲେ।
Comments are closed.