ଜ୍ୟୋତିଷ ଶାସ୍ତ୍ର ଅନୁସାରେ ପ୍ରତ୍ୟେକ ଗ୍ରହଙ୍କ ରାଶି ପରିବର୍ତ୍ତନ ସମସ୍ତ ରାଶିର ଜାତକରେ ପଡିଥାଏ। କାହା ପାଇଁ ଶୁଭ ଓ କାହା ପାଇଁ ମଧ୍ୟମ। ଜୁନ୍ ମାସ ଖୁବ୍ ମହତ୍ତ୍ୱପୂର୍ଣ୍ଣ। ଏହି ମାସରେ କିଛି ଗ୍ରହଙ୍କ ରାଶି ପରିବର୍ତ୍ତନ କାରଣରୁ ବିଶେଷ ଯୋଗ ସୃଷ୍ଟି ହେଉଛି। ଜୁନ୍ ୧୨ ସନ୍ଧ୍ୟାରେ ଶୁକ୍ର ଗ୍ରହ ମିଥୁନ ରାଶିରେ ପ୍ରବେଶ କରିଛନ୍ତି। ୧୪ ଜୁନରେ ଗ୍ରହଙ୍କ ରାଜକୁମାର ବୁଧ ଗ୍ରହ ମିଥୁନ ରାଶିରେ ପ୍ରବେଶ କରିଛନ୍ତି। ଏହି ୨ ଗ୍ରହ ଏକାଠି ହେବା ଦ୍ୱାରା ଲକ୍ଷ୍ମୀ ନାରାୟଣ ଯୋଗ ସୃଷ୍ଟି ହୋଇଛି। ଏହି ଯୋଗ ୩ ରାଶିଙ୍କ ପାଇଁ ଖୁବ୍ ଶୁଭଙ୍କର। ଜାଣନ୍ତୁ ସେହି ୩ ରାଶି ବିଷୟରେ..
ମିଥୁନ – ବୁଧ ଓ ଶୁକ୍ର ଗ୍ରହ ଏକାଠି ହେବା ପରେ ଲକ୍ଷ୍ମୀ ନାରାୟଣ ଯୋଗ ମିଥୁନ ରାଶି ବ୍ୟକ୍ତି ବିଶେଷଙ୍କ ପାଇଁ ଶୁଭଙ୍କର। ଆୟର ନୂତନ ରାସ୍ତା ସାମ୍ନାକୁ ଆସିବ। ଆର୍ଥିକ କ୍ଷେତ୍ରରେ ଶୁଭ ପରିବର୍ତ୍ତନ ହେବ। ନିବେଶ ପାଇଁ ସମୟ ଉତ୍ତମ। ଏହାର ଫଳ ଭବିଷ୍ୟତରେ ମିଳିବ। ପରିବାର ସଦସ୍ୟଙ୍କ ମଧ୍ୟରେ ସମ୍ପର୍କ ମଜଭୂତ ହେବ। ପରିବାର ସହ କୌଣସି ଯାତ୍ରାରେ ଯାଇପାରିବେ।
ସିଂହ – ମିଥୁନ ରାଶିରେ ହୋଇଥିବା ଲକ୍ଷ୍ମୀ ନାରାୟଣ ଯୋଗ ସିଂହ ରାଶି ବ୍ୟକ୍ତି ବିଶେଷଙ୍କ ପାଇଁ ଶୁଭ ଖବର ଆଣିବ। ଚାକିରି କ୍ଷେତ୍ରରେ ଥିବା ସମସ୍ୟା ଦୂର ହେବ। ଆର୍ଥିକ କ୍ଷେତ୍ରରେ ଶୁଭ ପରିବର୍ତ୍ତନ ହେବ। ବ୍ୟବସାୟୀ ଲାଭବାନ୍ ହେବେ। ଦାମ୍ପତ୍ୟ ଜୀବନ ସୁଖମୟ ହେବ। ସମସ୍ୟା ଦୂର ହେବ। ସମ୍ପର୍କରେ ମଧୁରତା ରହିବ।
କନ୍ୟା – ଏହି ରାଶି ବ୍ୟକ୍ତି ବିଶେଷ ଲକ୍ଷ୍ମୀ ନାରାୟଣ ଯୋଗ ଫଳରେ ଅଧିକ ଲାଭବାନ୍ ହେବେ। ଅଟକି ଥିବା କାମ ପୂରଣ ହେବ। ସଫଳତା ପ୍ରାପ୍ତି ହେବ। ଚାକିରି କରୁଥିବା ବ୍ୟକ୍ତି ବିଶେଷଙ୍କର ପଦନ୍ନୋତି ହେବ। ଦରମା ବୃଦ୍ଧି ହୋଇପାରେ। ମାନସିକ ଦୁଃଶ୍ଚିନ୍ତା ଦୂର ହେବ।
