ଗୁରୁଡିଝାଟିଆ : ଆଠଗଡ ନିର୍ବାଚନ ମଣ୍ଡଳୀ କଖଡିର ଲକ୍ଷ୍ମୀନାରାୟଣ ନଦିଆ ଗୋଷ୍ଠୀର ବାର୍ଷିକ ଉତ୍ସବ ଅନୁଷ୍ଠିତ ହୋଇଛି। ଏଥିରେ ବିଷ୍ଣୁଚରଣ ମହାରଣା ସମ୍ମାନୀତ ଅତିଥି ଭାବରେ ଯୋଗଦେଇ ଆଧ୍ୟାତ୍ମିକ ଭାବ ସମସ୍ତଙ୍କ ଭିତରେ ଅମୃତର ଭାବନା ସୃଷ୍ଟି କରି ଏକ ସୁସ୍ଥ ସମାଜ ସୃଷ୍ଟିକରିବାରେ ସହାୟକ ହୋଇଥାଏ । ସଂକୀର୍ତ୍ତନ ଓ ନଦିଆ ଗୋଷ୍ଠୀ ସମାଜରେ ଆଧ୍ୟାତ୍ମିକତାର ଭାବଧାରାକୁ ଅଧିକ ରୁଦ୍ଧିମନ୍ତ ଓ ରୁଚିମନ୍ତ କରି ଗଢିତୋଳିବାରେ ସହାୟକ ହୋଇଥାଏ ବୋଲି ଶ୍ରୀ ମହାରଣା କହିଥିଲେ। ମଞ୍ଚେଶ୍ୱର, ଘଣ୍ଟିଖାଲ, ଧୁରୁଷିଆ, ଅନନ୍ତପୁର ଓ କଖଡି ପଞ୍ଚାୟତର ବିଭିନ୍ନ ନଦିଆଗୋଷ୍ଠୀର ସଦସ୍ୟମାନେ ଅଂଶଗ୍ରହଣ କରି ଆଧ୍ୟାତ୍ମିକ ଚେତନା ସୃଷ୍ଟି କରିଥିଲେ । ଲକ୍ଷ୍ମୀନାରାୟଣ ନଦିଆ ଗୋଷ୍ଠୀର ମୁଖ୍ୟ ଶରତ ଚନ୍ଦ୍ର ମହାନ୍ତିଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ବାର୍ଷିକ ଉତ୍ସବରେ କଖଡି ଗ୍ରାମ୍ୟ କମିଟି ସଭାପତି ଦିଲ୍ଲିପ ଛତାରା, ସୁରେନ୍ଦ୍ର ମହାନ୍ତି, ମାୟାଧର ଦଳାଇ, ପୂର୍ବତନ ସରପଞ୍ଚ ଭାଗିରଥି ସାହୁ, ଅନାମ ଚରଣ ସାହୁ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ସୁଶାନ୍ତ କୁମାର ମୁଦୁଲି, ରମେଶ ଚନ୍ଦ୍ର ନାୟକ, କାଳନ୍ଦିଚରଣ ସାମଲ, ନରେନ୍ଦ୍ର ନାୟକ, ମୀନକେତନ ନାୟକ ଓ ସ୍ୱାଧୀନ ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.