ମୁମ୍ବଇ : ପୁଲୱାମା ଆକ୍ରମଣରେ ସହିଦ ହୋଇଥିବା ଯବାନଙ୍କ ପରିବାର ପାଇଁ ବହୁତ ଲୋକେ ସହାୟତାର ହାତ ବଢାଇଛନ୍ତି। ଏ କ୍ଷେତ୍ରରେ ବଲିଉଡ଼ ମଧ୍ୟ ପଛଘୁଞ୍ଚା ନଦେଇ ସାହଯ୍ୟ କରିବାକୁ ଆଗେଇ ଆସିଛି। ଅନେକ ବଲିଉଡ଼ କଳାକାର ସହିଦ ଯବାନଙ୍କ ପରିବାରକୁ ଆର୍ଥିକ ସହାୟତା ଯୋଗାଇ ଦେଇଥିବା ବେଳେ ଏବେ ପୁଣି ପ୍ରସିଦ୍ଧ ଗାୟିକା ଲତା ମଙ୍ଗେସକର୍ ଭାରତୀୟ ସେନାକୁ ସାହାଯ୍ୟ କରିବାକୁ ଘୋଷଣା କରିଛନ୍ତି।
ସୂଚନା ଅନୁସାରେ, ଲତା ମଙ୍ଗେସକର୍ ୨୪ ଏପ୍ରିଲରେ ପିତା ଦୀନାନାଥ ମଙ୍ଗେସକରଙ୍କ ଶ୍ରାଦ୍ଧ ବାର୍ଷିକୀ ଅବସରରେ ଭାରତୀୟ ଯବାନଙ୍କ ଉଦ୍ଦେଶ୍ୟରେ ୧ କୋଟି ଟଙ୍କା ଦାନ କରିବେ। ପୁଲୱାମା ଆକ୍ରମଣ ପରେ ଲତା ମଙ୍ଗେସକର ବହୁତ ଦୁଃଖିତ ହୋଇଯାଇଥିଲେ। ସେ ଟ୍ୱିଟ୍ କରି ଦୁଃଖ ପ୍ରକାଶ କରିବା ସହ ସହିଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।
