ମୁମ୍ବଇ : ବଲିଉଡ଼ ଜଗତର ପ୍ରସିଦ୍ଧ ଗାୟିକା ତଥା କୋକିଳକଣ୍ଠୀ ଲତା ମଙ୍ଗେସକର ଶନିବାର ୯୦ ବର୍ଷରେ ପଦାର୍ପଣ କରିଛନ୍ତି। ସେ ୧୯୨୯ ମସିହା ସେପ୍ଟେମ୍ବର ୨୮ରେ ଇନ୍ଦୋରଠାରେ ଜନ୍ମଗ୍ରହଣ କରିଥିଲେ। ୧୯୪୩ରେ ଲତାଙ୍କୁ ୧୩ ବର୍ଷ ହୋଇଥିବା ବେଳେ ତାଙ୍କ ପିତାଙ୍କ ମୃତ୍ୟୁ ହୋଇଥିଲା। ତା’ପର ଠାରୁ ପରିବାର ବୋଝ ବହନ କରିବା ପାଇଁ ସେ ଚଳଚ୍ଚିତ୍ର ଓ ଥିଏଟର୍ ମାନଙ୍କରେ ଅଭିନୟ କରିବା ଆରମ୍ଭ କରିଥିଲେ। ଏହାପରେ ୧୯୪୭ ମସିହା ବେଳକୁ ସେ ସଙ୍ଗୀତ କ୍ଷେତ୍ରକୁ ଓହ୍ଲାଇଥିଲେ। ନିଜର ଅଦ୍ଭୁତ କଣ୍ଠ ଓ ମନଲୋଭା ଗାଇବା ଶୈଳୀ ପାଇଁ ୧୯୫୦ ମସିହାରେ ଲତା ନିଜକୁ ଜଣେ ପ୍ରସିଦ୍ଧ ଗାୟିକା ଭାବେ ପ୍ରତିଷ୍ଠିତ କରାଇ ପାରିଥିଲେ। ସଙ୍ଗୀତ କ୍ଷେତ୍ରକୁ ଉଲ୍ଲେଖନୀୟ ଅବଦାନ ପାଇଁ ୧୯୮୯ରେ ତାଙ୍କୁ ଦାଦା ସାହେବ ଫାଲକେ ସମ୍ମାନରେ ସମ୍ମାନୀତ କରାଯାଇଥିଲା। ଏହାପରେ ୨୦୦୧ରେ ତାଙ୍କୁ ଭାରତରତ୍ନ ସମ୍ମାନ ମଧ୍ୟ ପ୍ରଦାନ କରାଯାଇଥିଲା। ଏହାବ୍ୟତୀତ ସେ ଆହୁରି ଅନେକ ବଡ଼ ବଡ଼ ସମ୍ମାନରେ ସମ୍ମାନିତ ହୋଇଛନ୍ତି।
Comments are closed.