ଲାଞ୍ଜିଗଡ:କଳାହାଣ୍ଡି ଜିଲା ଲାଞ୍ଜିଗଡ ଥାନା ଲାଞ୍ଜିଗଡ ସହର ବଡପଡାର ଗୌର ହରିଜନଙ୍କୁ ଉକ୍ତ ପଡାର ଉତ୍ତମ ହରିଜନ ଟାଙ୍ଗିଆରେ ମରଣାତ୍ମକ ଆକ୍ରମଣ କରିଥିବା ନେଇ ଗୌରଙ୍କ ପୁଅ ଭଗବାନ ହରିଜନ ଲାଞ୍ଜିଗଡ ଥାନାରେ ଲିଖିତ ଅଭିଯୋଗ କରିଛନ୍ତି।
ସୂଚନା ମୁତାବକ ଆଜି ସନ୍ଧ୍ୟା ସମୟରେ ଲାଞ୍ଜିଗଡ ବଡପଡାର ଗୌର ହରିଜନ ଓ ଉକ୍ତ ପଡାର ଉତ୍ତମ ହରିଜନ ମଧ୍ୟରେ କୌଣସି କାରଣକୁ ନେଇ ଗଣ୍ଡଗୋଳ ହୋଇଥିଲା। ଏହା ପରେ ଉତ୍ତମ ଧରିଥିବା ନିଜ ଟାଙ୍ଗିଆରେ ଗୌରଙ୍କ ବାମ ହାତରେ ଚୋଟ ମାରିଥିବା ବେଳେ ହାତର କହୁଣୀ ନିକଟରେ ଗଭୀର ଆଘାତ ହୋଇଛି। ଏହାପରେ ଗୌରଙ୍କ ପରିବାର ଲୋକେ ଗୌରଙ୍କୁ ସ୍ଥାନୀୟ ଲାଞ୍ଜିଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଭର୍ତ୍ତି କରିଥିଲେ। ଏ ସଂକ୍ରାନ୍ତରେ ତାଙ୍କ ପୁଅ ଭଗବାନ ଲାଞ୍ଜିଗଡ ଥାନାରେ ଲିଖିତ ଅଭିଯୋଗ କରିଥିଲେ। ଖବର ପାଇବା ପରେ ପୁଲିସ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଯାଇ ଗୌର ହରିଜନକୁ ପଚରା ଉଚୁରା କରିବା ସହିତ ତଦନ୍ତ ଜାରି ରଖିଥିବା ସୂଚନା ମିଳିଛି।
Comments are closed.