ଲାଞ୍ଜିଗଡ଼: ଲାଞ୍ଜି
ସୂଚନା ଅନୁସାରେ ତୁର୍କା ଗାଁର ବୁଦା ମାଝୀଙ୍କ ମା ଦୁନି ମାଝୀ(୬୫ବର୍ଷ) ଓ ଝିଅ ବାସନ୍ତୀ ମାଝୀ(୩ବର୍ଷ) ଆଜି ଅପରାହ୍ନ ସାଢେ଼ ୩ ଘଣ୍ଟା ସମୟରେ ଗାଁ ନିକଟସ୍ଥ ଜମିକୁ ଯାଇଥିଲେ। ଚାଷ ଜମିରେ ଥିବା ଏକ ଗଛରେ ମହୁଫେଣା ରହିଥିବା ବେଳେ ଫେଣରୁ ଶତାଧିକ ମହୁମାଛି ଆସି ଦୁନି ଓ ତାଙ୍କ ନାତୁଣୀ ବାସନ୍ତୀଙ୍କୁ ଆକ୍ରମଣ କରିଥିଲେ ।ମହୁମାଛିର ବିଷ କ୍ରିୟା ଯୋଗୁଁ ବୃଦ୍ଧା ଓ ଶିଶୁକନ୍ୟା ଅତ୍ୟନ୍ତ ଗୁରୁତର ଅବସ୍ଥାରେ ଜମି ଉପରେ ପଡି ରହିଥିଲେ । ଦୁହିଁଙ୍କ ଚିତ୍କାର ଶୁଣି ଗାଁ ଲୋକେ ଜମି ନିକଟରେ ପହଞ୍ଚି ଗୁରୁତର ଅବସ୍ଥାରେ ଦୁଇଜଣଙ୍କୁ ଉଦ୍ଧାର କରିଥିଲେ। ଗାଁର ନାମକ ଜଣେ ଯୁବକ ବିଶ୍ୱନାଥପୁର ସିଏଚସି କୁ ଆମ୍ବୁଲାନ୍ସ ପାଇଁ ଯୋଗାଯୋଗ କରିଥିଲେ।ଗାଁରେ ୧୦୮ ଆମ୍ବୁଲାନ୍ସ ପହଞ୍ଚି ଥିଲା ସତ କିନ୍ତୁ ରାସ୍ତା ଖରାପ ଯୋଗୁଁ ଗାଁକୁ ଯାଇନପାରି ୮ କିଲୋମିଟର ପୂର୍ବରୁ ରହିଥିଲା। ସେମାନଙ୍କୁ ଆମ୍ବୁଲାନ୍ସ ପର୍ଯ୍ୟନ୍ତ ଅଣାଯିବା ପରେ ବିଶ୍ୱନାଥପୁର ଡାକ୍ତରଖାନାକୁ ପଠାଯାଇଥିଲା। ବର୍ତ୍ତମାନ ଉଭୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ଏବଂ ସେମାନଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି ବୋଲି ମେଡ଼ିକାଲ ଅଫିସର ଭବାନୀ ଶଙ୍କର ଲେଙ୍କା ପକ୍ଷରୁ ସୂଚନା ଦେଇଛନ୍ତି।
