ଲାଞ୍ଜିଗଡ଼: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଜଗନ୍ନାଥପୁର ପଞ୍ଚାୟତ ଜଗନ୍ନାଥପୁର ଗାଁର କସମତୁଲା ନାଏକଙ୍କ ମାଟି ଘର ଲଘୁଚାପ ଜନିତ ଲଗାଣ ବର୍ଷାରେ ସମ୍ପୂର୍ଣ୍ଣ ଭାବେ ଭୁଶୁଡି ପଡ଼ିଛି। ଫଳରେ ପରିବାର ଲୋକେ ଅସହାୟ ଅବସ୍ଥାରେ ଜୀବନ ଯାପନ କରୁଛନ୍ତି। ଅନ୍ୟପକ୍ଷରେ ସିମାଁଚି ଦୋରା ଜଣେ ବିଧବା ମହିଳା ହୋଇଥିବା ବେଳେ ସେ ଜଣେ ଅତି ଗରିବ ଶ୍ରେଣୀ ଦିନ ମଜୁରିଆ। ମୂଲ ଲାଗିଲେ ତାଙ୍କ ଚୁଲି ଜଳେ। ଅତି ଗରିବ ହୋଇଥିବାରୁ ଘର ଖଣ୍ଡିକ ପାଇଁ ପ୍ରଶାସନକୁ ଗୁହାରି କରିଛନ୍ତି । ଘର ଖଣ୍ଡେ ନଥିବା ଯୋଗୁଁ ଆଜି ଏହି ଦୂରଦିନ ଅବସ୍ଥାରେ ପଡି ରହିଛନ୍ତି ପରିବାର। ସେ ନିଜ ମାଟି କୁଡ଼ିଆରେ ପରିବାର ଶହ ଖରା ବର୍ଷାରେ ଜୀବନ ଯାପନ କରନ୍ତି। କିନ୍ତୁ ଆଜି ଲଗୁଚାପ ଜନିତ ଲଗାଣ ବର୍ଷାରେ ହଠାତ ଘର ଭୁଶୁଡି ପଡିଥିଲା। ଫଳରେ ଘରେ ଥିବା ପରିବାର ଲୋକେ ବାହାରକୁ ଚାଲି ଆସିଥିବାରୁ ଅଳ୍ପକେ ଏକ ବଡ଼ ବିପଦରୁ ବର୍ତ୍ତିଯାଇଥିଲେ। ପରିବାର ଲୋକେ ଏବେ ଅନ୍ୟ ଘରେ ଆଶ୍ରୟ ନେଇଥିବା ଜଣା ପଡିଛି। ବର୍ତମାନ ଘର ସମ୍ପୂର୍ଣ୍ଣ ଭାବେ ଭୁଶୁଡି ଯାଇଥିବାରୁ ସେ ଚିନ୍ତାରେ ପଡ଼ିଥିବା ବେଳେ ତୁରନ୍ତ ବିଭାଗୀୟ ଅଧିକାରୀ ତଥା ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ନେବାକୁ ଗ୍ରାମବାସୀଙ୍କ ପକ୍ଷରୁ ଦାବି ହେଉଛି।
Comments are closed.