ଡେସ୍କ: ରେଳବାଇର ଚାକିରି ପାଇଁ ଜମି ମାମଲାରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବଡି ଦେବୀ ଏବଂ ତାଙ୍କ ଝିଅ ମୀସା ଭାରତୀ ଓ ହେମା ଯାଦବଙ୍କୁ ଦିଲ୍ଲୀର ଏକ ଅଦାଲତ ଜାମିନ ପ୍ରଦାନ କରିଛନ୍ତି। ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଓ ରାବଡି ଦେବୀଙ୍କ ସନ୍ତାନଙ୍କ ମଧ୍ୟରେ ସବୁଠୁ ବଡ଼ ମିସା ଭାରତୀ ବିହାରରୁ ରାଜ୍ୟସଭା ସାଂସଦ ଅଛନ୍ତି।
କୃଷି ଭବନ ପରିଦର୍ଶନ କଲେ, ୨ ଜଣ ସଫଳ କୃଷକଙ୍କ ସହ କଥା ହେଲେ ବିଲ୍ ଗେଟ୍ସ
ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଜାମିନ ଆବେଦନକୁ ବିରୋଧ ନ କରିବାରୁ ସ୍ୱତନ୍ତ୍ର ବିଚାରପତି ବିଶାଲ ଗୋଗନେ ତିନି ଜଣଙ୍କୁ ଆଶ୍ୱସ୍ତି ଦେଇଛନ୍ତି। ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ଅଭିଯୁକ୍ତଙ୍କୁ ଜାମିନ ଦେବା ସମୟରେ କଠୋର ସର୍ତ୍ତ ଲାଗୁ କରାଯାଉ ବୋଲି କେନ୍ଦ୍ରୀୟ ତଦନ୍ତକାରୀ ସଂସ୍ଥା ଦର୍ଶାଇଛି। ସେମାନଙ୍କ ନିୟମିତ ଜାମିନ ଆବେଦନ ଉପରେ ଯୁକ୍ତି ଉପସ୍ଥାପନ କରିବା ପାଇଁ ସମୟ ଦରକାର ବୋଲି ଇଡି କହିବା ପରେ ବିଚାରପତି ଫେବ୍ରୁଆରି ୯ରେ ସେମାନଙ୍କୁ ଅନ୍ତରୀଣ ଜାମିନ ପ୍ରଦାନ କରିଥିଲେ।
ଇଡିର ଚାର୍ଜସିଟକୁ ଗ୍ରହଣ କରି ସମନ୍ ଜାରି କରିବା ପରେ ଅଭିଯୁକ୍ତମାନେ କୋର୍ଟରେ ହାଜର ହୋଇଥିଲେ।
