ପାଟନା : ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତଥା ବିହାରର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ତେଜ ପ୍ରତାବ ଯାଦବ ମଙ୍ଗଳବାର ଭଗବାନ ଶିବଙ୍କ ବେଶ ଧାରଣ କରି ପାଟନାର ଏକ ମନ୍ଦିରରେ ପୂଜାର୍ଚ୍ଚନା କରିଥିଲେ। ଅନୁରୂପ ଭାବେ ଦେବୀ ସରସ୍ୱତୀଙ୍କ ପୂଜା ଅବସରରେ ତାଙ୍କୁ ଏକ ଭିନ୍ନ ରୂପରେ ଦେଖିବାକୁ ମିଳିଥିଲା। ଏହା ପୂର୍ବରୁ ମକର ସଂକ୍ରାନ୍ତି ଦିନ ତେଜପ୍ରତାପ ଭଗବାନ କୃଷ୍ଣଙ୍କ ରୂପ ଧାରଣ କରିଥିଲେ। ସାମାଜିକ ଗଣମାଧ୍ୟମରେ ସେ ଜିଲାପି ଛାଣୁ ଥିବାର ଏକ ଫଟୋ ଭାଇରାଲ ହୋଇଥିଲା।
ଶ୍ରାବଣ ମାସରେ ଭଗବାନ ଶିବଙ୍କ ଭକ୍ତିରେ ଲିନ ହୋଇ ତେଜପ୍ରତାପ ଏହି ବେଶ ଧାରଣ କରିଛନ୍ତି ବୋଲି କୁହାଯାଉଛି। ତେଜପ୍ରତାପ ଧଳା ରଙ୍ଗର ଧୋତି ପିନ୍ଧିଥିବାବେଳେ ଶରୀରରେ ବିଭୂତି ଲଗାଇଥିବା ଦେଖିବାକୁ ମିଳୁଛି। ପ୍ରକାଶ ଯେ ଲାଲୁଙ୍କ ବଡ଼ ପୁଅ ତେଜପ୍ରତାପ ରାଜନୀତି ଗତିବିଧିଠାରୁ ବେଶି ନିଜ ବେଶକୁ ନେଇ ଚର୍ଚ୍ଚାରେ ରହିଆସିଛନ୍ତି।
ଭଗବାନ ଶିବଙ୍କ ବେଶରେ ଲାଲୁଙ୍କ ବଡ଼ ପୁଅ ତେଜପ୍ରତାପ
Popular Categories
Previous article
Next article