ଭୁବନେଶ୍ଵର : ଲାଲଚାନ୍ଦର କୌନ୍ ବନେଗା ଲକ୍ଷପତି ଲକି ଡ୍ର’ ର ପ୍ରଥମ ଦିନରେ ମାଷ୍ଟର କ୍ୟାଣ୍ଟିନ୍ ଷ୍ଟାର୍ ପାଇଁ ଲକି ଡ୍ର ଅନୁଷ୍ଠିତ ହୋଇଯାଇଛି । ଏହି ଡ୍ର’ ରେ ଗ୍ରାହକମାନେ ୧ କାର୍, ୨ ମୋଟର ସାଇକେଲ୍ ଜିତିବା ସହ ୮ ଜଣ ଗ୍ରାହକ ଲକ୍ଷପତି ହୋଇଛନ୍ତି । କରୋନା ପାଇଁ ଲାଲଚାନ୍ଦର ‘କୌନ୍ ବନେଗା ଲକ୍ଷପତି’ ଯୋଜନା ଅନ୍ତର୍ଗତ ଲକି ଡ୍ର ଗୁଡ଼ିକ ହୋଇପାରିନଥିଲା।
ଗ୍ରାହକମାନଙ୍କ ଉପସ୍ଥିତିରେ ଲକି ଡ୍ର ଅନୁଷ୍ଠିତ ହୋଇଥିଲା। ଲାଲ୍ଚାନ୍ଦର ଫାଉଣ୍ଡର ଚେୟାର୍ମ୍ୟାନ୍ ସଂଜୟ ହଂସଙ୍କ ସହ ଓଲିଉଡ୍ ଅଭିନେତା କୁନା ତ୍ରିପାଠୀ, ଆକାଶ ଦାସନାୟକ ଓ ଭୂମିକା ଲକି ଡ୍ର’ରେ ସାମିଲ୍ ହୋଇଥିଲେ । ଏହି ଅବସରରେ ଶ୍ରୀ ହଂସ କହିଲେ ‘ପ୍ରତିକୂଳ ପରିସ୍ଥିତି ପାଇଁ ଡ୍ର’ଗୁଡ଼ିକ ସମ୍ଭବ ହୋଇପାରିନଥିଲା । କିନ୍ତୁ, ଲାଲଚାନ୍ଦ ଯେପରି ଶୁଦ୍ଧ ସୁନା, ସ୍ଵଚ୍ଛ ରିହାତି ପାଇଁ ଜଣାଶୁଣା ଠିକ୍ ସେହିପରି ପ୍ରତିଶ୍ରୁତି ରକ୍ଷା କରିବା ପାଇଁ ମଧ୍ୟ ସର୍ବଦା ଯତ୍ନବାନ । ସେହି ପୂର୍ବ ପ୍ରତିଶ୍ରୁତି ରକ୍ଷା କରି “କୌନ୍ ବନେଗା ଲକ୍ଷପତି” ଯୋଜନା ଅନ୍ତର୍ଗତ ବକେୟା ଲକି ଡ୍ର ଗୁଡ଼ିକୁ ଅକ୍ଟୋବର ମାସରେ କରିବା ପାଇଁ ଯୋଜନା କରାଯାଇଥିଲା। ଏହି ଡ୍ର’ ପାଇଁ ଆମର ଗ୍ରାହକମାନେ ଅନେକ ଦିନ ଅପେକ୍ଷା କରିଥିଲେ। ଆସନ୍ତା କାଲି ରଘୁନାଥପୁର ପାଇଁ ଓ ରବିବାର ଦିନ କଟକ ଷ୍ଟେର ପାଇଁ ଲକି ଡ୍ର’ ଅନୁଷ୍ଠିତ ହେବ”
