ନବରଙ୍ଗପୁର: ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପଣ୍ଡିକୋଟ ଗ୍ରାମପଞ୍ଚାୟତ ଅନ୍ତର୍ଗତ ଚାନ୍ଦିଲି ଗ୍ରାମରୁ ତ୍ରିପୁର ଚାଲାଣ ବେଳେ ବସରୁ ୨୪ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଛି ପୋଲିସ । ଦାଦନ ଶ୍ରମିକ ମଧ୍ୟରେ ୨ ଜଣ ନାବାଳିକା ଓ ୩ ଜଣ ନାବାଳକ ସହ ୨୪ ଦାଦନ ଶ୍ରମିକ ରହିଛନ୍ତି । ବିଶେଷ ସୂତ୍ରରୁ ପାପଡାହାଣ୍ଡି ଏସଡିପିଓ ଆଦିତ୍ୟ ସେନ ଖବର ପାଇ ଚାନ୍ଦଲି ଗ୍ରାମରେ ରହିଥିବା ଏକ ବସକୁ ଚଢ଼ାଉ କରି ଶ୍ରମିକମାନଙ୍କୁ ଉଦ୍ଧାର କରି ଥାନାକୁ ଆଣିଥିଲେ ।
ସୂଚନା ଅନୁଯାୟୀ, ତାମିଲନାଡୁର ଏକ ଘରୋଇ ବସ (ଟିଏନ ୩୬ ଆର ୨୨୮୮) ପଣ୍ଡିକୋଟ ଗ୍ରାମପଞ୍ଚାୟତ ଅନ୍ତର୍ଗତ ବାଙ୍କସର୍ଗି ଓ ଚାନ୍ଦଲି ଗ୍ରାମରୁ ୨୪ ଜଣ ଦାଦନ ଶ୍ରମିକ ତାମିଲନାଡୁ ରାଜ୍ୟ ତ୍ରିପୁରକୁ ଚାଲାଣ ହେଉଥିବା ବେଳେ ପୋଲିସ ଉଦ୍ଧାର କରିଛି । ଏସଡିପିଓ ଏନେଇ ଶ୍ରମ ବିଭାଗ ଜଣାଇବା ପରେ ଅତିରିକ୍ତ ଶ୍ରମ ଅଧିକାରୀ ଗୋପାଳ କୃଷ୍ଣ ମଙ୍ଗରାଜ ପହଞ୍ଚି ଯାଞ୍ଚ କରି ଥାନାରେ ଏତଲା ଦେଇଥିଲେ । ଏତଲା ଦେବା ପରେ ପୋଲିସ କେଶ କରି କେଶନ ୯୨/୨୧ ମାମଲା ରୁଜୁ କରି ଆପିସି ୩୭୪,୪୧୭ ଅନୁଯାୟୀ ତାମିଲନାଡୁ ରାଜ୍ୟର ବସ ଡ୍ରାଇଭର ଏମ.ମୂର୍ଗେଶ (୪୫) ଓ ହେଲ୍ପରକୁ କମଳ କାନନ(୩୫) ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି।
Comments are closed.