କୁଆଁପାଳ: କଟକ ଜିଲ୍ଲାର ମାହାଙ୍ଗା ବ୍ଲକ ଉମର ସ୍ଥିତ ରାଜ୍ୟ ପର୍ଯ୍ୟଟନ ସ୍ଥଳ ବଳଦେବଜୀଉ ଓ ହନୁମାନ ଜୀଉ ପୀଠରେ ପବିତ୍ର ହନୁମାନ ଜୟନ୍ତୀ ଅବସରରେ ହଜାର ହଜାର ଶ୍ରଦ୍ଧାଳୁ ମାନସିକ କଳସ ଶୋଭାଯାତ୍ରାରେ ଯୋଗଦେଇ ମନ୍ଦିର ପରିସରରେ ଘଟ ସ୍ଥାପନ କରିଛନ୍ତି । ଏଥି ନିମନ୍ତେ ବୁଧବାର ସନ୍ଧ୍ୟାରେ ସ୍ଥାନୀୟ ନାହଙ୍ଗ କଚେରୀ ପୋଖରୀ ନିକଟରେ ଶହଶହ ସଂଖ୍ୟାରେ ଶ୍ରଦ୍ଧାଳୁ ମାନେ ମାନସିକ କଳସୀରେ ଜଳ ବରଣୀ କରି ଏକ ବିରାଟ ପାରୁଆରେ ବାଜା ବାଣ ରୋଷଣୀ ଶୋଭାଯାତ୍ରାରେ ମନ୍ଦିର ଅଭିମୁଖେ ବାହାରି ମହା ଆଡମ୍ବରରେ ଯାଇ ମନ୍ଦିରରେ ପହଞ୍ଚି ନିଜ ନିଜର କଳସ ସ୍ଥାପନ କରିଥିଲେ ।
ଏହି ଶୋଭାଯାତ୍ରାରେ ମଧ୍ୟ କୁନି କୁନି ପିଲାମାନଙ୍କଠାରୁ ଆରମ୍ଭକରି ଆବାଳ ବୃଦ୍ଧ ବନିତା ସେମାନଙ୍କର ମନସ୍କାମନା ପୂରଣ ନିମନ୍ତେ ହନୁମାନ ବେଶରେ ନୃତ୍ୟ ପ୍ରଦର୍ଶନ କରିଥିଲେ । ଏଥିରେ ବହୁ ଶ୍ରଦ୍ଧାଳୁ ମଧ୍ୟ ଭଗବାନ ରାମ ଲକ୍ଷ୍ମଣ ଓ ମାତା ସୀତା ଆଦି ବେଶ ଧାରଣ କରି ଶୋଭାଯାତ୍ରାରେ ଯୋଗଦେଇଥିଲେ । ମନ୍ଦିରରେ ଶ୍ରଦ୍ଧାଳୁ ମାନେ ପହଂଚିବାପରେ ବିଧି ଅନୁଯାୟୀ ପ୍ରଭୁ ମହାବୀରଙ୍କ ସାନିଧ୍ୟ ଲାଭ ପାଇଁ ପୂଜାର୍ଚନା କରି ଆନନ୍ଦ ବଜାରରେ ପ୍ରସାଦ ସେବନ କରିବା ସହ ଆଜି ପ୍ରତ୍ୟୁଷରୁ ସମୂହ ୧୦୮ ହନୁମାନ ଚାଳିଶା ପାଠ କରିଥିଲେ। ସୂଚନା ଯୋଗ୍ୟ ଯେ ଏହି ହନୁମାନ ପୀଠରେ ଜଣେ ଶ୍ରଦ୍ଧାଳୁ ନିଜର ସନ୍ତାନ ପ୍ରାପ୍ତି ନିମନ୍ତେ ମାନସିକ କଳସ ସ୍ଥାପନ କରିବା ପରେ ତାଙ୍କର ସନ୍ତାନ ପ୍ରାପ୍ତି ହେବାରୁ ଦୀର୍ଘ ବର୍ଷ ଧରି ହନୁମାନ ଜୟନ୍ତୀରେ ମାନସିକ କଳସ ଯାତ୍ରା ଅନୁଷ୍ଠିତ ହୋଇଆସୁଛି।
ପ୍ରସିଦ୍ଧ ଉମର ହନୁମାନ ଜୀଉ ପୀଠରେ ମାନସିକ କଳସ ଯାତ୍ରା
Popular Categories
Previous article
Next article