ନୂଆଦିଲ୍ଲୀ: ସୁପ୍ରସିଦ୍ଧ ହିନ୍ଦୀ ଗଦ୍ୟ ସାହିତ୍ୟିକା ତଥା ସାହିତ୍ୟ ଏକାଡେମୀ ପୁରସ୍କାର ବିଜେତା କ୍ରିଷ୍ଣା ସୋବତୀଙ୍କ ଶୁକ୍ରବାର ୯୩ ବର୍ଷ ବୟସରେ ପରଲୋକ ହୋଇଯାଇଛି। ୧୯୨୫ ଫେବୃଆରୀ ୧୮ରେ ଗୁଜରାଟର ପଞ୍ଜାବ ପ୍ରାନ୍ତରେ ସେ ଜନ୍ମଲାଭ କରିଥିଲେ। ଏବେ ଏହି ପ୍ରାନ୍ତ ପାକିସ୍ତାନରେ ଅଛି। ଦେଶ ବିଭାଜନ ବେଳେ ତାଙ୍କ ପରିବାର ଦିଲ୍ଲୀକୁ ଚାଲି ଆସିଥିଲା। ପ୍ରଥମେ ଦିଲ୍ଲୀ ଓ ପରେ ସିମଲାରେ ସେ ପ୍ରାଥମିକ ଶିକ୍ଷା ଲାଭ କରିଥିଲେ। କ୍ରିଷ୍ଣାଙ୍କୁ ୧୯୮୦ରେ ‘ଜିନ୍ଦେଗୀନାମା’ ପାଇଁ ସାହିତ୍ୟ ଏକାଡେମୀ ପୁରସ୍କାର ମିଳିଥିଲା। ସେ ୟୁପିଏ ସରକାର ସମୟରେ ପଦ୍ମଭୂଷଣ ପୁରସ୍କାର ଗ୍ରହଣ କରିବାକୁ ମନା କରିଦେଇଥିଲେ। ୨୦୧୫ରେ ଅସହିଷ୍ଣୁତା ପ୍ରସଙ୍ଗରେ ସେ ସାହିତ୍ୟ ଏକାଡେମୀ ପୁରସ୍କାର ଫେରାଇ ଦେଇଥିଲେ। କ୍ରିଷ୍ଣା ସୋବତୀ କବିତାରୁ ଲେଖିକ ଜୀବନ ଆରମ୍ଭ କରିଥିଲେ। ପରେ ସେ ଉପନ୍ୟାସ ଲେଖିବା ଉପରେ ମନୋନିବେଶ କରିଥିଲେ। ତାଙ୍କ ସ୍ୱରଚିତ କାହାଣୀଗୁଡ଼ିକ ‘ବାଦଲୋ କା ଘର’ରେ ସଂଗୃହିତ ହୋଇଛି। ତାଙ୍କ ଲିଖିତ ଉପନ୍ୟାସ ମଧ୍ୟରେ ‘ଡାର ସେ ବିଛୁଡ଼ି’, ‘ମିତ୍ରୋ ମରଜାନି’, ‘ୟାରୋ କେ ୟାର’, ‘ତିନ ପାହାଡ଼’, ‘ସୂରଜମୁଖୀ ଅନେ୍ଧରେ କେ’, ‘ସୋବତି ଏକ ସୋହବତ’, ‘ଜିନ୍ଦେଗିନାମା’, ‘ଏ ଲଡକି’, ‘ସମୟ ସରଗମ’, ‘ଜ୍ୟାନି ମେହରବା ସିଂହ’ ଆଦି ପ୍ରସିଦ୍ଧ।
Popular Categories
Previous article
Next article