ସମାଜ ଡିଜିଟାଲ ଡେସ୍କ: ଅମ୍ବାନୀ ପରିବାରରେ ଏବେ ବାହାଘରିଆ ମାହୋଲ ଏବଂ ପୁରା ପରିବାର ଅନନ୍ତ ଅମ୍ବାନୀଙ୍କ ବିବାହ କାର୍ଯ୍ୟରେ ବ୍ୟସ୍ତ। ଇତି ମଧ୍ୟରେ ମଙ୍ଗଳବାର ଏକ କାର୍ଯ୍ୟକ୍ରମରେ ପୁଣି ଅମ୍ବାନୀ ପରିବାରକୁ ଦେଖିବାକୁ ମିଳିଛି। କିନ୍ତୁ ଏଥର ଏକ ଡିଭାଇସ୍ ସମସ୍ତଙ୍କ ଧ୍ୟାନ ଆକର୍ଷଣ କରିଛି, ଯାହା ନୀତା ଅମ୍ବାନୀଙ୍କ ଆଖପାଖରେ ଦେଖିବାକୁ ମିଳିଛି। ଆଜି ଆମେ ଆପଣଙ୍କୁ ଏହି ଡିଭାଇସ୍ ବିଷୟରେ ସୂଚନା ଦେବାକୁ ଯାଉଛୁ।
ଏହି ଡିଭାଇସ୍ ସୁରକ୍ଷା କର୍ମୀଙ୍କ ଦ୍ଵାରା ବ୍ୟବହୃତ ହୁଏ ଓ ଆପଣ ଏଥିରେ ସହଜରେ କଥାବାର୍ତ୍ତା କରିପାରିବେ। ଏଥିରେ ଦୁଇ ଜଣ ଲୋକଙ୍କ ମଧ୍ୟରେ କଥାବାର୍ତ୍ତା ହୋଇପାରିବ ଏବଂ ଏଥିପାଇଁ କୌଣସି ସିମ୍କାର୍ଡ ଆବଶ୍ୟକ ନାହିଁ।
ଏହା ହେଉଛି ୱାକି ଟକି ଏବଂ ଏହା ସାଟେଲାଇଟ୍ ଆଧାରିତ। ପୁଲିସ ଓ ସେନାରେ ଏହି ଡିଭାଇସ୍ ବ୍ୟବହୃତ ହୁଏ। ଏହା ସାହାଯ୍ୟରେ ଆପଣ ଯେକୌଣସି ସ୍ଥାନରେ ସହଜରେ କଥାବାର୍ତ୍ତା କରିପାରିବେ ଏବଂ ଗ୍ରୁପ୍ କଲିଂ ପାଇଁ ବ୍ୟବହାର କରାଯାଏ। ଏହା ପୁସ୍-ଟୁ-ଟକ୍ ଆଧାରରେ କାମ କରେ। ଏଥିରେ ଏକ ବଟନ୍ ଅଛି, ଏହାକୁ ଦବାଇ ଆପଣ କମାଣ୍ଡ୍ ଦେଇପାରିବେ। ଏହାପରେ ଏହି ବାର୍ତ୍ତାଳାପ ପୁରା ଗ୍ରୁପ୍ ସହ ଏକସଙ୍ଗେ ହୋଇପାରିବ।
ଏହାର ଦାମ୍ ଡିଭାଇସ୍ ଆଧାରରେ ଭିନ୍ନ ହୋଇଥାଏ। କିନ୍ତୁ ଗୋଟିଏ ଡିଭାଇସ୍ର ହାରାହାରି ମୂଲ୍ୟ ପ୍ରାୟ ୫ ହଜାର ଟଙ୍କା। Xiaomiର ଓ୍ବାକିଟକି ପେୟାର କିଣିଲେ ପ୍ରାୟ ୧୨ ହଜାର ଟଙ୍କା ଖର୍ଚ୍ଚ କରିବାକୁ ପଡ଼ିବ।
