ପାଟଣା : ସାହାରପଡ଼ା ବ୍ଲକ ଅନ୍ତର୍ଗତ ଖଜିରାପାଟ ପଞ୍ଚାୟତ ମୁଖ୍ୟାଳୟ ଠାରେ ସହୀଦ ରଘୁନାଥ ମହତୋ ଯୁବ ସଂଗଠନ ଆନୁକୁଲ୍ୟରେ ଦେଶ କରମ୍ ପରବ-୨୦୨୩ ପାଳିତ ହୋଇଯାଇଛି । ଗାଁ ର କୁଆଁରୀ ଝିଅ ମାନେ ଜାୱା ପ୍ରସ୍ତୁତ କରି ମହତୋ ବା ଦେହୁରୀ ଉମାକାନ୍ତ ମହାନ୍ତଙ୍କ ଦ୍ଵାରା ଶୋଭାଯାତ୍ରାରେ ଯାଇ କରମ ବୃକ୍ଷର ଡାଳ ଆଣି କରମ୍ ଆଖଡ଼ାରେ ସ୍ଥାପନା କରିବା ପରେ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାଟଣା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀ ତଥା ରାଜ୍ୟ ପିସିସି ଉପସଭାପତି, ସାମାଜିକ ଗଣମାଧ୍ୟମ ଇଂ ବିନୋଦ ବିହାରୀ ନାଏକ ଯୋଗ ଦେଇ କୁଡୁମି ସମ୍ପ୍ରଦାୟର ନିଆରା ପ୍ରକୃତି ପୂଜା ଉପରେ ବ୍ୟକ୍ତବ୍ୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମକୁ କଳାକାର ମହାନ୍ତ, ସଞ୍ଜୟ ମହାନ୍ତ, ଦୂର୍ଯୋଧନ ମହାନ୍ତ, ତେଜସ୍ଵୀନୀ ମହାନ୍ତ, ଅନାମ ମୁଣ୍ଡା, ସୌମ୍ୟ ରଞ୍ଜନ ମୁଣ୍ଡା ଆଦି ଶାନ୍ତି ଶୃଙ୍ଖଳାର ସହିତ ପରିଚାଳନା କରିଥିଲେ।
Comments are closed.