କେଶଦୁରାପାଳ : ଘସିପୁରା ପୁଲିସ ପକ୍ଷରୁ ଲୁହାରନ୍ ଚୋରି ଅଭିଯୋଗରେ ୨ଜଣଙ୍କୁ ଗିରଫ ପରେ ମଙ୍ଗଳବାର ଦିନ କୋର୍ଟ ଚାଲାଣ କରାଯାଇଥିବା ଜଣାଯାଇଛି। ସୂଚନଯୋଗ୍ୟ ଘସିପୁରା ଥାନା ଅନ୍ତର୍ଗତ ଅତାସାହି ଠାରେ ଏକ ପୋଲ ନିର୍ମାଣ ନିମନ୍ତେ ୬ ଏମ୍ ଏମ୍ ରଡ଼ ରଖାଯାଇଥିବା ବେଳେ ଗତ ୨୮ତାରିଖ ରାତିରେ ଏହା ଚୋରି ହୋଇଯାଇଥିବା ଜଣାଯାଇଥିଲା ।
ଉକ୍ତ ଘଟଣା ନେଇ ଖାଳିଆମେଣ୍ଟା ଗ୍ରାମର ସୁରେନ୍ଦ୍ର କୁମାର ଭୂୟାଁ ଘସିପୁରା ଥାନାରେ ଏକ ଲିଖିତ ଅଭିଯୋଗ କରିବା ପରେ ଅଭିଯୋଗକୁ ଆଧାର କରି ଘସିପୂରା ଥାନା ଅଧିକାରୀ ସୁନୀଲ କୁମାର କର ଙ୍କ ନିର୍ଦ୍ଦେଶକ୍ରମେ ପୋଲିସ ଏସଆଇ ମନିଶା ଗୁପ୍ତା ଘଟଣାର ଅନୁସନ୍ଧାନ କରି ହବନପୁର ଠାରେ ଥିବା କବାଡିଆ ଗୋଦାମ ଉପରେ ଚଢ଼ାଇ କରାଯାଇ ସେଠାରୁ ୪୧ଖଣ୍ଡ(୨କ୍ଵଇଣ୍ଟାଲ) ଲୁଭାଛଡ଼ ଉଦ୍ଧାର କରାଯାଇଥିବା ବେଳେ ଏହି ଚୋରି ଘଟଣାରେ ସମ୍ପୃକ୍ତ ସରେଇଁ ଗ୍ରାମର ନିତ୍ୟାନନ୍ଦ ସାହୁଙ୍କୁ ଗିରଫ କରାଯାଇଥିଲା ।
ଚମୁହଁ କଲେନାସାହିର ମହାବୀର ଦେହୁରୀଙ୍କ ଗୋଦାମରୁ ୫୧ ଖଣ୍ଡ ଲୁହାରଡ଼ ଉଦ୍ଧାର କରିବାରେ ପୁଲିସ ସକ୍ଷମ ହୋଇଥିବା ବେଳେ ଅଭିଯୁକ୍ତ ଜଣକ ଫେରାଇ ହୋଇଯାଇଥିବାରୁ ତାଙ୍କର ଅନ୍ୟଜଣେ ସହଯୋଗୀ ବେଇବାହାଳୀ ଗ୍ରାମର ଶିବାନନ୍ଦ ସାହୁଙ୍କୁ ପୋଲିସ ଗିରଫ କରି କେଶ ନଂ ୮୭:୨୪ରେ ମାମଲା ରୁଜୁ କରି ନିତ୍ୟାନନ୍ଦ ସାହୁ ଓ ଶିବାନନ୍ଦ ସାହୁ ଦୂଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବାର ଜଣାଯାଇଛି ।
