ନୂଆଦିଲ୍ଲୀ : ଅନେକ ସମୟରେ ସୋସିଆଲ ମିଡିଆରେ ବିଭିନ୍ନ ପ୍ରକାର ଭିଡିଓ ଭାଇରାଲ୍ ହୋଇଥାଏ । କିଛି ଭିଡିଓ ଭୟଭୀତ କରୁଥିବା ସହ ଆଶ୍ଚର୍ଯ୍ୟଚକିତ କରିଥାଏ । ନିକଟରେ ସଡକ ଦୁର୍ଘଟଣାର ଏପରି ଏକ ଛାତିଥରା ଦୃଶ୍ୟ ଭାଇରାଲ୍ ହେଉଛି, ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ଜଣେ ମହିଳା ଭୟଙ୍କର ସଡକ ଦୁର୍ଘଟଣାର ଶିକାର ହେବା ସହ ଅଳ୍ପକେ ତାଙ୍କ ଜୀବନ ରକ୍ଷା ହୋଇଥିବା ଦେଖିପାରିବେ । ମାତ୍ର କିଛି ସେକେଣ୍ଡରେ ମହିଳାଙ୍କ ଜୀବନ ଚାଲି ଯାଇଥାନ୍ତା । ସୌଭାଗ୍ୟବଶତଃ ତାଙ୍କ ଜୀବନ ବଞ୍ଚି ଯାଇଛି । ଲୋମଟାଙ୍କୁରା ଏହି ସଡକ ଦୁର୍ଘଟଣାର ଭିଡିଓ କେରଳର କୋଝିକୋଡ୍ରରୁ ସାମ୍ନାକୁ ଆସିଛି ।
केरल के कोझिकोड का ये वीडियो आपको विचलित कर देगा, मौत आई और छूकर निकल गई।
ढलान होने की वजह से ट्रक पीछे लुढ़क गया और स्कूटी सवार महिला पीछे थी, वो ट्रक की चपेट में आ गई। महिला का बचना किसी चमत्कार से कम नहीं था। pic.twitter.com/QvSjORDb0g— Ajit Singh Rathi (@AjitSinghRathi) May 16, 2025
ଭିଡିଓରେ ଦେଖିପାରିବେ, ଇଟା ଭର୍ତ୍ତି ହୋଇଥିବା ଏକ ଟ୍ରକ ଓଠାଣିଆ ରାସ୍ତାରେ ଯାଉଛି । ଟ୍ରକ୍ ପଛରେ ଜଣେ ମହିଳା ସ୍କୁଟିରେ ଅଛନ୍ତି । ପଛରେ ଅନ୍ୟାନ୍ୟ ବାଇକ୍ ଆରୋହୀ ମଧ୍ୟ ଅଛନ୍ତି । ଟ୍ରକ୍ଟି ଓଠାଣିଆ ରାସ୍ତାରେ ଥିବା ସମୟରେ ହଠାତ୍ ଏହା ଅନିୟନ୍ତ୍ରିତ ହୋଇ ତଳକୁ ଖସିବା ସହ ସ୍କୁଟିକୁ ଧକ୍କା ଦେଉଛି । ସ୍କୁଟି ସହ ମହିଳା ମଧ୍ୟ ତଳେ ପଡିଯାଇଛନ୍ତି । ମାତ୍ର କୌଣସି ପ୍ରକାରେ ନିଜ ଜୀବନ ରକ୍ଷା କରିଛନ୍ତି । ଗତ ଶୁକ୍ରବାର ଏହି ଦୁର୍ଘଟଣା ଘଟିଥିବା ଜଣାପଡିଛି ।
ସିସିଟିଭିରେ ଦେଖାଯାଇଛି, ଟ୍ରକ୍ଟି ସ୍କୁଟି ଉପରେ ସମ୍ପୂର୍ଣ୍ଣ ଚଢି ଯାଇଛି । ମାତ୍ର ମହିଳା ଜଣକ ସ୍କୁଟିରୁ ବାହାରି କୌଣସି ପ୍ରକାରେ ନିଜ ଜୀବନ ରକ୍ଷା କରିଛନ୍ତି । ମହିଳା ଜଣକ ଆହତ ହୋଇଥିବା ଜଣାପଡିଛି । ସ୍ଥାନୀୟଲୋକେ ତୁରନ୍ତ ଏକାଠି ହୋଇ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ଅଭିଯୋଗ ପରେ ପୁଲିସ ଘଟଣାର ତଦନ୍ତ କରୁଛି । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
