ତିରୁଅନନ୍ତପୁରମ୍: ପିନାରାଇ ବିଜୟନଙ୍କ ନେତୃତ୍ବ କେରଳ ସରକାର ଓ ରାଜ୍ୟପାଳ ଆରିଫ ମହମ୍ମଦ ଖାଁଙ୍କ ମଧ୍ୟରେ ଦୀର୍ଘ ଦିନ ହେଲା ମତଭେଦ ଲାଗି ରହିଛି। ଏହି କ୍ରମରେ ରାଜ୍ୟପାଳଙ୍କୁ ବିଶ୍ବବିଦ୍ୟାଳୟ କୁଳାଧିପତି ପଦରୁ ହଟାଇବା ଲାଗି ରାଜ୍ୟ ସରକାର ଆଇନରେ ସଂଶୋଧନ କରିଛନ୍ତି। ଗୁରୁବାର କେରଳ ରାଜ୍ୟ କ୍ୟାବିନେଟ୍ରେ ଗୃହୀତ ଅଧ୍ୟାଦେଶ ଅନୁଯାୟୀ ରାଜ୍ୟପାଳ ଏଣିକି ଆଉ କେରଳ ବିଶ୍ବବିଦ୍ୟାଳୟଗୁଡ଼ିକର କୁଳାଧିପତି ପଦରେ ରହିବେ ନାହିଁ। ରାଜ୍ୟପାଳଙ୍କ ସ୍ଥାନରେ କଳା ଓ ସଂସ୍କୃତି କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତିଙ୍କୁ କୁଳାଧିପତି ପଦରେ ଅବସ୍ଥାନ କରିବାକୁ ରାଜ୍ୟ ପଦକ୍ଷେପ ନେବେ। ରାଜ୍ୟ ବିଶ୍ବବିଦ୍ୟାଳୟର କାର୍ଯ୍ୟ ପରିଚାଳନାରେ ରାଜ୍ୟପାଳ ନିୟମିତ ହସ୍ତକ୍ଷେପ କରିଆସୁଥିବାବେଳେ ଏହାକୁ ନେଇ ବିବାଦ ଦେଖାଯାଇଥିଲା। ବିଶେଷକରି ବିଶ୍ବବିଦ୍ୟାଳୟରେ କୁଳପତି ନିଯୁକ୍ତି କ୍ଷେତ୍ରରେ ରାଜ୍ୟପାଳ ରାଜ୍ୟ ସରକାରଙ୍କ ସୁପାରିସକୁ ରାଜ୍ୟପାଳ ଉପେକ୍ଷା କରିଆସୁଥିଲେ। ଫଳରେ ସରକାର ଓ ରାଜ୍ୟପାଳଙ୍କ ମଧ୍ୟରେ ବିବାଦ ତିକ୍ତ ହୋଇଥିଲା।
Popular Categories
Previous article
Next article