ଭୁବନେଶ୍ୱର: ୨୦୨୩ ପୁରୁଷ ହକି ବିଶ୍ୱକପ ପାଇଁ ରାଜ୍ୟ ସରକାର ଜୋରଦାର ପ୍ରସ୍ତୁତି ଚଳାଇଛନ୍ତି। ଭୁବନେଶ୍ୱର ଓ ରାଉରକେଲାରେ ଗଡି଼ବ ୪୦ଟି ନୂଆ ଏସି ଡିଲକ୍ସ ବସ୍। ଏହି ବସ୍ କିଣିବା ପାଇଁ ପ୍ରାୟ ୨୭ କୋଟି ଟଙ୍କା ଖର୍ଚ୍ଚ ହେବ। ଏନେଇ ବ୍ୟୟ ବରାଦ କରିବାକୁ ରାଜ୍ୟ ସରକାରଙ୍କ ପକ୍ଷରୁ ଆକାଉଣ୍ଟ ଜେନେରାଲଙ୍କ ଆବେଦନ କରାଯାଇଛି।ରାଜ୍ୟ ସରକାରଙ୍କ ସୂଚନା ମୁତାବକ, ରାଜ୍ୟ ସଡ଼କ ପରିବହନ ନିଗମ (ଓଏସ୍ଆର୍ଟିସି) ଅଧୀନରେ ଏହି ସରକାରୀ ବସ୍ ପରିଚାଳନା ହେବ। ୪୦ଟି ବସ୍ କିଣାଯିବା ମୋଟ ୨୬ କୋଟି ୯୩ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି। ଖୁବ୍ ଶୀଘ୍ର ବସ୍ କିଣାଯିବା ପ୍ରକ୍ରିୟା ଆରମ୍ଭ ହେବ। ଅଧିକାଂଶ ବସ୍ ସମସ୍ତ ପ୍ରତିଯୋଗୀ ଦେଶର ଖେଳାଳି ଓ ସେମାନଙ୍କ ଅଫିସିଆଲ୍ କର୍ମଚାରୀଙ୍କୁ ନେବା ଆଣିବା କରିବ। ବିଶେଷକରି, ଝାରସୁଗୁଡ଼ା ବିମାନବନ୍ଦରରୁ ଷ୍ଟାଡିୟମ ଓ ହୋଟେଲ ଯାଏ ଏସବୁ ବସ୍ ଗଡି଼ବ। ସେହିପରି ଭୁବନେଶ୍ୱର ସମେତ ଅନ୍ୟ ବଡ଼ ସହରରୁ ଦର୍ଶକଙ୍କୁ ରାଉରକେଲା ଆଣିବାକୁ ବସ୍ଗୁଡି଼କୁ ନିୟୋଜିତ କରାଯିବ।
Popular Categories
Previous article
Next article