କେନ୍ଦୁଝରଗଡ଼଼: କେନ୍ଦୁଝର ନାଗରିକ ମଞ୍ଚ ନୂତନ କର୍ମକର୍ତ୍ତା ଦାୟିତ୍ୱଗ୍ରହଣ ପରେ ପ୍ରଥମରଥର ପାଇଁ ଭୁବନେଶ୍ୱର ଗସ୍ତ କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ତାଙ୍କ ବାସଭବନରେ ଭେଟି ସାକ୍ଷାତ ଆଲୋଚନା କରିଛନ୍ତି। ମଞ୍ଚର ସଭାପତି ହିମାଂଶୁ ଶେଖର କୁଅଁରଙ୍କ ନେତୃତ୍ୱରେ ସମ୍ପାଦକ ସତ୍ୟରଞ୍ଜନ ସାମଲ, କାର୍ଯ୍ୟକାରୀ ସଦସ୍ୟ ପ୍ରଫୁଲ୍ଲ କୁମାର ସାହୁ, ପ୍ରିୟବ୍ରତ ସାମଲ ଓ ସତ୍ୟଜିତ ସାମନ୍ତରାୟ ପ୍ରମୁଖ ମୁଖ୍ୟମନ୍ତ୍ରୀ ଶ୍ରୀ ମାଝୀଙ୍କୁ ଭେଟି ଜିଲାର ବିକାଶ ପ୍ରକ୍ରିୟାକୁ ଆଗେଇ ନେବାପାଇଁ ପ୍ରସ୍ତୁତ କରିଥିବା ‘ନବସୂତ୍ରୀ କେନ୍ଦୁଝର ଭିଜନ ପେପର’ ପ୍ରଦାନ କରିଥିଲେ।
ଏହି ‘ନବସୂତ୍ରୀ କେନ୍ଦୁଝର ଭିଜନ ପେପର’ କେନ୍ଦୁଝର ଜିଲାକୁ ବିକାଶ ପ୍ରକ୍ରିୟାରେ ତ୍ୱରାନ୍ୱିତ କରିବାରେ ବେଶ ସହାୟକ ହେବ ବୋଲି ସେମାନେ ଦୃଢ଼ ଦାବି ଉପସ୍ଥାପନ କରିଥିଲେ। ମୁଖ୍ୟମନ୍ତ୍ରୀ ଶ୍ରୀ ମାଝୀ ‘ନବସୂତ୍ରୀ କେନ୍ଦୁଝର ଭିଜନ ପେପର’କୁ ଆନ୍ତରିକତାର ସହ ଗ୍ରହଣ କରି କିଭଳି ଏହି ଭିଜନକୁ କାର୍ଯ୍ୟକାରୀ କରାଯାଇ ପାରିବ ସେ ନେଇ ସମ୍ମତି ପ୍ରଦାନ କରିଥିବା ମଞ୍ଚ ସମ୍ପାଦକ ଶ୍ରୀ ସାମଲ ଜଣାଇଛନ୍ତି।
