କେନ୍ଦୁଝର : କେନ୍ଦୁଝର ସଦର ନିର୍ବାଚନ ମଣ୍ଡଳୀରେ ଅଭାବନୀୟ ଘଟଣା ଘଟିଛି। ବିଜେଡ଼ି ନିର୍ବାଚନ ପ୍ରଚାର ଗାଡି କର୍ମଚାରୀ ଙ୍କ ଛୁରା ମାଡରେ ଜଣେ ଗ୍ୟାରେଜ ମାଲିକ ଗୁରୁତର ହୋଇଛନ୍ତି। ଗୁରୁତର ବ୍ୟକ୍ତି ଜଣକ ଝୁମ୍ପୁରା ଥାନା କଟିଲପଶିର ଧରଣୀଧର ମହାନ୍ତ ବୋଲି ଜଣାପଡିଛି। ସୂଚନା ଅନୁଯାୟୀ କଟଲପଶି ଛକଠାରେ ଥିବା ଧରଣୀଧରଙ୍କର ଗ୍ୟାରେଜ ସମ୍ମୁଖରେ ବିଜେଡ଼ି ନିର୍ବାଚନୀ ପ୍ରଚାର ଗାଡି ଠିଆ ହୋଇଥିବାବେଳେ ସାଧାରଣ ବଚସାରୁ ଗ୍ୟାରେଜ ମାଲିକ ଧରଣୀଧରଙ୍କ ଉପରେ ଉତକ୍ଷିପ୍ତ ହୋଇ ପ୍ରଚାର ଗାଡିର କର୍ମଚାରୀ ପୂର୍ଣ୍ଣଚନ୍ଦ୍ର ମହାନ୍ତ ଛୁରାମାଡ କରିଛନ୍ତି। ଗ୍ୟାରେଜ ମାଲିକ ଧରଣୀଙ୍କୁ ପ୍ରଥମେ ଝୁମ୍ପୁରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ହେଲେ ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ପୁଲିସ୍ ଘଟଣାରେ ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article