କେନ୍ଦୁଝର: ଚୋରି କରିବାକୁ ଆସି ହଟହଟ୍ଟା ହେଲା ଚୋର। ଆଉ କୂଅରେ ପଡି ରାତି ସାରା ଛଟପଟ ହେଲା। ଏଭଳି କିଛି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ଝାଲିଆବେଡା ଗାଁରେ। ଗତକାଲି ବିଳମ୍ବିତ ରାତିରେ ଜଣେ ଯୁବକ ଗାଁକୁ ଛେଳି ଚୋରି କରିବାକୁ ଆସିଥିଲେ। ହେଲେ ଛେଳି ଚୋରିବେ କଣ ନିଜେ ଏକ କୂଅରେ ପଡିଯାଇଛନ୍ତି। ପୁରା ରାତି କୂଅରେ ପଡି ଛଟପଟ ହୋଇଛି ଚୋରି। ଆଜି ସକାଳୁ କିଛି ସ୍ଥାନୀୟ ଲୋକ ଏହା ଦେଖି ଅଗ୍ନିଶମବାହିନୀକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଚୋରକୁ ଉଦ୍ଧାର କରିଥିଲେ। ତେବେ ଯୁବକ ଜଣକ ମୟୁରଭଞ୍ଜ ଜିଲ୍ଲା ହାଟବାଦଡା ଦେଓଗାଁର ଅରୁଣ ମହାନ୍ତ ବୋଲି ଜଣାପଡିଛି। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଚୋରକୁ ଅଟକ ରଖି ଅଧିକ ତଦନ୍ତ ଜାରି ରଖିଛି।
Comments are closed.