ସମ୍ବଲପୁର: ପଣ୍ଡରିପାଲି ନିକଟ ହୀରାକୁଦ ଶାସନ କେନାଲରେ ସୃଷ୍ଟ ୩୦ ଫୁଟ୍ ଲମ୍ବର ଘାଇ ଯୋଗୁଁ ୨୦ ଏକର ଚାଷ ଜମିରେ ପାଣି ମାଡି ଯାଇଛି । ପ୍ରଶାସନ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ଆରମ୍ଭ ହୋଇଛି । ଆସନ୍ତାକାଲି ପୂର୍ବରୁ ମରାମତି କାର୍ଯ୍ୟ ସମ୍ପର୍ଣ୍ଣ ହେବ ବୋଲି ପ୍ରଶାସନ ପକ୍ଷରୁ କୁହାଯାଇଛି । କେନାଲ ବହୁତ ପୁରୁଣା ହୋଇ ଯାଇଥିବାରୁ ମାଟି ବନ୍ଧ ଭାଙ୍ଗି ଘାଇ ସୃଷ୍ଟି ହୋଇଥିବା ସ୍ଥାନୀୟଲୋକେ କହିଛନ୍ତି । ଏ ସଂକ୍ରାନ୍ତରେ ହୀରାକୁଦ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ଏଥିପ୍ରତି ସେ କର୍ଣ୍ଣପାତ କରି ନଥିଲେ ବୋଲି ସେମାନେ ଅଭିଯୋଗ କରିଛନ୍ତି । ପୂର୍ବରୁ ମଧ୍ୟ ଅନେକ ଥର ଘାଇ ଭାଙ୍ଗି ଯାଇ ଚାଷ କ୍ଷତିଗ୍ରସ୍ତ ହୋଇଥିବା ଜଣାପଡିଛି ।
