ନୂଆଦିଲ୍ଲୀ : ଲୋକସଭା ନିର୍ବାଚନରେ ବିଜେପି ବରିଷ୍ଠ ନେତା ଲାଲକୃଷ୍ଣ ଆଡଭାଣୀ ଓ ମୁରଲୀ ମନୋହର ଜୋଷୀଙ୍କୁ ଟିକେଟ ଦେବାରୁ ବଞ୍ଚିତ କରାଯାଇଥିବାରୁ ଆମ ଆଦମୀ ପାର୍ଟି କଡା ସମାଲୋଚନା କରିଛି। ଏହାକୁ ନେଇ ଅରବିନ୍ଦ କେଜ୍ରିୱାଲ କହିଛନ୍ତି ଏହା ବରିଷ୍ଠଙ୍କୁ ଅପମାନ କରିବା ସହ ହିନ୍ଦୁ ସଂସ୍କୃତିର ଏହା ବିରୋଧୀ। ହିନ୍ଦୁ ସଂସ୍କୃତିରେ ବରିଷ୍ଠ ନାଗରିକଙ୍କୁ ସମ୍ମାନ ଦେବା ପରମ୍ପରା ରହିଛି ଯାହା ମୋଦୀ କରିନାହାନ୍ତି ବୋଲି କେଜ୍ରିୱାଲ କହିଛନ୍ତି।
ସେ ଆହୁରି କହିଛନ୍ତି ଯେଉଁ ବ୍ୟକ୍ତି ବିଜେପି ଗଠନ କରିଥିଲେ ତାଙ୍କ ମାନଙ୍କୁ ହିଁ ବିଜେପିରୁ ବହିଷ୍କାର କରାଯାଉଛି। ଯିଏ ଘରର ହୋଇପାରିଲା ନାହିଁ ସେ ଆଉ କାହାର କଣ ହେବ ବୋଲି କେଜ୍ରିୱାଲ ସମାଲୋଚନା କରିଛନ୍ତି।
