ବେଙ୍ଗାଲୁରୁ : କର୍ଣ୍ଣାଟକର ନୂଆ ବିଜେପି ସରକାର ଟିପୁ ସୁଲତାନଙ୍କ ଜୟନ୍ତୀ ପାଳନ ଉପରେ ପ୍ରତିବନ୍ଧକ ଲଗାଇଛି । ସୋମବାର କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି। କନ୍ନଡ ସଂସ୍କୃତି ବିଭାଗ ଏନେଇ ନିର୍ଦେଶ ଜାରି କରିଛି। ବିଜେପର ବିରୋଧ ପରେ ୨୦୧୫ରେ ସିଦ୍ଧରମେୟାଙ୍କ ସରକାର ଟିପୁ ଜୟନ୍ତୀ ପାଳନ ପାଇଁ କାର୍ଯ୍ୟକ୍ରମ ଆୟୋଜନ କରିବାକୁ ନିଷ୍ପତ୍ତି ନେଇଥିଲା।
ଏବେ ୟେଦୁରପ୍ପାଙ୍କ ସରକାର ପକ୍ଷରୁ ଜାରି ନିର୍ଦେଶରେ କୁହାଯାଇଛି ଯେ ରାଜ୍ୟରେ ଟିପୁ ଜୟନ୍ତୀ ପାଳନର ପରମ୍ପରା ନାହିଁ, ତେଣୁ ଏହି ଜୟନ୍ତୀ ଆମେ ପାଳନ କରିବୁ ନାହିଁ ବୋଲି ନିଷ୍ପତ୍ତି ନେଇଛୁ। ଅପରପକ୍ଷରେ ବିଜେପି ସରକାରଙ୍କ ଏହି ନିଷ୍ପତ୍ତିକୁ କଂଗ୍ରେସ ବିରୋଧ କରିଛି। ବିଜେପି ଗେରୁଆକରଣ ରାଜନୀତି କରୁଛି ଓ ସେଥିପାଇଁ ଏହି ଜୟନ୍ତୀ ପାଳନ ଉପରେ ରୋକ ଲଗାଇଛି ବୋଲି କଂଗ୍ରେସ ପକ୍ଷରୁ କୁହାଯାଇଛି।
ପ୍ରକାଶ ଯେ ଅଷ୍ଟାଦଶ ଶତାବ୍ଦୀର ପ୍ରସିଦ୍ଧ ମହୀଶୂର ଶାସକ ଟିପୁ ସୁଲତାନଙ୍କ ଜନ୍ମ ୧୭୫୦ ନଭେମ୍ବର ୧୦ରେ ହୋଇଥିଲା। ଟିପୁଙ୍କ ଶାସନକୁ ନେଇ ଐତିହାସିକମାନେ ଭିନ୍ନ ଭିନ୍ନ ମତ ଦେଇଥାନ୍ତି। ଇଂରେଜ ବିରୋଧରେ ସେ ୪ଟି ଯୁଦ୍ଧ ଲଢିଥିବାରୁ ତାଙ୍କୁ ଗୋଟିଏ ବର୍ଗ ସମର୍ଥନ କରିଥାଏ। ତେବେ ବିଜେପି ଏବଂ ଅନ୍ୟ କେତେକ ଦକ୍ଷିଣପନ୍ଥୀ ସଂଗଠନ ଟିପୁ ସୁଲତାନଙ୍କୁ ଧର୍ମାନ୍ଧ ଏବଂ ହିନ୍ଦୁ ବରୋଧୀ ଶାସକ ଭାବେ ଉପସ୍ଥାପିତ କରିଆସୁଛନ୍ତି। କର୍ଣ୍ଣାଟକରେ ଟିପୁ ଜୟନ୍ତୀ ପାଳନକୁ ନେଇ ଦୀର୍ଘ ଦିନ ହେବ ରାଜନୈତିକ ବିବାଦ ଲାଗି ରହିଛି।
Comments are closed.