ବେଙ୍ଗାଲୁରୁ: କର୍ଣ୍ଣାଟକର ଜେଡିଏସ ସଭାପତି ଅଦାଗର ଏଚ. ବିଶ୍ଵନାଥ ମଙ୍ଗଳବାର ତାଙ୍କ ପଦବୀରୁ ଇସ୍ତଫା ଦେଇଛନ୍ତି। ଲୋକସଭା ନିର୍ବାଚନରେ ଦଳର ବିପର୍ଯ୍ୟୟ ହୋଇଥିବାରୁ ନୈତିକତା ଦୃଷ୍ଟିରୁ ସେ ଇସ୍ତଫା ଦେଇଥିବା ଦର୍ଶାଇଛନ୍ତି। ଚଳିତ ଲୋକସଭା ନିର୍ବାନରେ ରାଜ୍ୟରେ ଦଳକୁ ବଡ଼ ଝଟ୍କା ଲାଗିଛି। ଏପରି କି ଦଳର ସୁପ୍ରିମୋ ଏଚ.ଡି. ଦେବେଗୌଡ଼ା ମଧ୍ୟ ଟୁମକୁର ଆସନରୁ ପରାଜିତ ହୋଇଛନ୍ତି।
ମଙ୍ଗଳବାର ବିଶ୍ଵନାଥ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ଦଳର ପରାଜୟ ପାଇଁ ନୈତିକତା ଦୃଷ୍ଟିରୁ ସେ ଦାୟୀ। ତେଣୁ ନିଜ ପଦବୀରୁ ଇସ୍ତଫା ଦେଉଛି। ମଙ୍ଗଳବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଏଚ.ଡି. କୁମାରସ୍ବାମୀଙ୍କ ଜେପି ନଗର ବାସଭବନରେ ଦଳର ବିଧାୟକମାନଙ୍କୁ ନେଇ ବୈଠକ ବସିବ। ଏଥିରେ ବିଶ୍ଵନାଥଙ୍କ ଇସ୍ତଫା ସମ୍ପର୍କରେ ଘୋଷଣା କରାଯିବା ସମ୍ଭାବନା ରହିଛି।
ସୂଚନାଯୋଗ୍ୟ, ରାଜ୍ୟରେ ପୌର ନିର୍ବାଚନରେ ମଧ୍ୟ ଦଳକୁ ଝଟ୍କା ଲାଗିଥିଲା। ମୋଟ ୧୨୨୧ ଆସନରୁ ଜେଡିଏସ ୧୭୪ ଆସନରେ ବିଜୟୀ ହୋଇଥିଲା। ୪୨ ପ୍ରତିଶତ ୱାର୍ଡରେ କଂଗ୍ରେସ ବିଜୟ ଲାଭ କରିଥିଲା।
